أشاد معتمد جمال المدير الفني لفريق الزمالك،بمحمد إسماعيل،لاعب الفارس الأبيض ، بعد الفوز أمام المصري، ضمن مواجهات بطولة كأس الكونفدرالية الإفريقية.
وفاز الزمالك على المصري بهدفين مقابل هدف في المباراة التي أقيمت بينهما على إستاد السويس في الجولة الرابعة بدور المجموعات لبطولة كأس الكونفيدرالية الأفريقية، ليرفع أبناء ميت عقبة رصيدهم إلى 8 نقاط يتصدر بهم المجموعة، في حين يتوقف رصيد المصري عند 7 نقاط ليتراجع للمركز الثاني.
وقال جمال، بعد المباراة: “الحمد الله علي الفوز ومباراة مهمة بالنسبة لنا .. الفريقين كتاب مفتوح لبعض ، بشكر نبيل الكوكي المدير الفني لفريق المصري .. قدم مباراة كبيرة هو والفريق وجهازه المعاون”
وأشار: “قسمنا المباراة علي اكتر من جزء وقدرنا ناخد اللي عاوزينه من اللقاء ، طول العمر جمهور الزمالك واقف في ضهرنا.. ومن غير جمهور الزمالك بنقل 90 في المية من قوتنا وهو ده جمهور الزمالك وفي أندية ماعندها قوة جمهورنا “.
وشدد جمال:” ادم كايد قدم مباراة مميزة وعاوزينه يجيب جون مش كل مرة هنقول كرة حلوة وادم بيقدم كل اللي عنده”.
وأكمل: “كل مباراة لها لاعبين محددين ونختار بناء علي الخصم اللي قدمنا وكل اللاعبين هيشاركوا بناء علي المباريات ، ومحمد اسماعيل اي مدرب يتمني وجوده في الفريق وبيلعب في اي مكان خدنا كل اللي عاوزينه من اللقاء “.
وأردف جمال:” مش عارف الكرة اللي جت علينا من ضربة جزاء صحيحة ولا لا وكنت عاوز اطلع الشوط الاول واحد صفر “.
وزاد: “دونجا وعبد الله السعيد مش اجهز حاجة ولكن وجودهم ضروري مع الفريق ومقدرناش ندفع به … ونص الفريق عندي كان عنده دور برد ولكن اللاعبين تحملوا علي أنفسهم وجينا عليهم بسبب الإصابات “.
وأتم:” شيكو بانزا عمل ضربة الجزاء واي لاعب بيخطا ويصيب واللي جاي هيكون افضل ونشتغل كويس مع المجموعة اللي بتلعب قدام … وبعد اول هدف لخوان بيزيرا وشيكوا هتلاقي الامور افضل”.
