أكد أحمد عيد عبد الملك، نجم الزمالك السابق، على ثقته الكبيره في فوز الفارس الأبيض ببطولة الدوري العام هذا الموسم.
وقال عبد الملك، خلال تصريحات تليفزيونية ببرنامج “ملعب أون”، عبر قناة “اون سبورت”،، ردا على سؤال” معانا بوست كده يخص حسام عبد المجيد نشوف كده قال إيه بعد الخلاف مع الكابتن عبد الله السعيد.. رأيك يا كابتن؟” أنا شفت البوست ده كان بعد الماتش، بعد ماتش سيراميكا تقريباً.. حاجة عادية وحاجة طبيعية بتحصل مع اللعيبة كلها في الملعب، وحسام من اللعيبة المؤدبة والمحترمة جداً وشخصية جميلة، واعتذر اعتذار كبير لعبد الله”.
وتابع: “واللي أنا عارفه برضه إنه اعتذر جوه أوضة اللبس على طول، ده موقف لعب يعني في الماتش وبتحصل كتير من اللعيبة”.
وشدد عبد الملك:” عبد الله السعيد يقدر يكمل كام سنة؟ عبد الله لعيب كبير جداً يعني، يعني يقدر يقعد كذا موسم تاني، يعني ممكن عادي ممكن يديك سنتين كمان عادي برضه، ممكن يدي سنتين كمان”.
وبشأن شكر فتوح للجمهور والاعتذر عن الخروج من الكاس، أشار: “هو طبيعي فتوح واحد من كباتن النادي دلوقتي، ومن لعيب كبير والجمهور بيعول عليه مسؤولية كبيرة جداً، لعيب عنده إمكانيات كبيرة وللأمانة يعني عودته أدت إضافة كبيرة لنادي الزمالك”.
و أردف عبد الملك:” هو حاسس والجمهور محسسه إنه صاحب مسؤولية كبيرة وهو بدأ يركز بشكل كبير الفترة اللي فاتت ديت، وإن شاء الله يعني نشوفه في نسخة أحسن ويمتعنا في كاس العالم بإذن الله”.
وردا على سؤال معشم نفسك بنسبة كام إن الزمالك ياخد الدوري أجاب100%، أيوه 100%، أنا دايما مصدق الزمالك، أيوه لا تمام”.
وأختتم ردا على سؤال أكيد أنت فنياً عندك حسابات يعني بتقول مثلاً نسبة كذا؟: “أيوه الصفوف شوف اكتملت الأمور كلها واحد، فدايماً الزمالك معشمنا في الظروف الصعبة إنه يبقى عنده فوق الـ 100% كمان، فوق الـ 100%”.
شاهد:
