كشف الإعلامي محمد المحمودي، عن مفاجأة سعيدة في إنتظار ناصر منسي، مهاجم الفريق الأول لكرة القدم بنادي الزمالك، بعد تألقه الفترة الأخيرة.
وقال المحمودي، خلال تصريحات تليفزيونية ببرنامج “هاتريك”، عبر قناة “أون سبورت 2″:” سريعا نحو الأسطورة، لأنه الأسيست جه من فتوح اللي قدامنا على الشاشة إلى ناصر منسي الأسطورة وتيك تاك تيك تاك”..
و اردف:” مفاجأة من نوعها، ناصر منسي على أعتاب الانضمام إلى المنتخب المصري، يعتقدون في الجهاز الفني لمنتخب الفراعنة قبل معسكر قطر، بأن ناصر على الأرض حتى الآن عنده على الأرض بصمة قوية تفوق المهاجمين اللي ظهروا قبل كده في المعسكرات اللي فاتت، عدى شريف مرة، عدى مروان عثمان مرة، عدى مهما عدى من أسماء مع أسامة فيصل في البنك الأهلي”.
وتابع المحمودي: “في الوقت الحالي، ناصر أداؤه على الأرض النهاردة بيقول إن هو الأفضل، فإذا استمر ناصر منسي من هنا لحد هناك لحد يوم المعسكر في الأداء ده، ناصر منسي في قائمة كابتن حسام حسن في المنتخب المصري، معلومة “هاتريك”
وشدد: “زي ما حكيت عن فتوح، هذا من كواليس داخل نادي الزمالك يقولون في 100 عقبة كان بقى لنا كتير ما فتحنا لهاش، ناصر أهم حاجة كانت موجودة عنده حاجة ليها علاقة بالكورة وحاجة مالهاش علاقة بالكورة”.
وواصل المحمودي:” اللي مالوش علاقة بالكورة الأول: إيه؟ بعد ما عدي الدباغ ركب المكان ما أيرش يعني مزعلش، يعني إيه؟ ما هو عدي رقم واحد وناصر قعد على الدكة، لما رجع ناصر في التدريبات وفي المباريات اللي هو بياخد منها أجزاء قليلة نفس الحماس بالظبط، اتنين: لما تغير مكانه مع اختلاف طريقة اللعب ما غيرش نفس الحماس بنفس الرغبة موجودة”.
وأكمل: “تلاتة بقى ليها علاقة بالكورة: بعد الجواز اللياقة بتقل شوية، فكابتن معتمد اتكلم معاه على إنه لازم يكون في برنامج بدني واضح ليك أنت دوناً عن أي حد، فإيه؟ أنا محتاج منك إيه؟ ضغط على الخصم، إزاي يبقى عندك الوعي إنك ترتد في أماكن معينة وإحنا بندافع”
و أشار المحمودي: “رقم تلاتة: إزاي يكون عندك حركة سريعة مباشرة أثناء التحولات مبنية على طريقة لعب الفريق، تلات حاجات ورا بعض. من التلات حاجات دول لو أنت رجعت آخر تلات أربع مباريات: ضغط على الخصم أحسن حد بيضغط، دفاع لحد الدقيقة 90 أول حد بيرجع، تلاتة في التحولات أول حد بيقابل زي الجون”.
وزاد:” نستمتع معاً برائعة فتوح وناصر منسي من الزاوية دي معانا على الشاشة، وهنا عايز أقول حاجة تانية، أنا لو راجل بتاع سكاوتينج، لو أنا راجل محلل أداء شغال مع نادي هيلاعب نادي الزمالك أقول إيه لحارس المرمى؟ لأن ناصر بدأ يصعبها في الحتة دي، بمعنى إن كل مواجهة لناصر منسي بحراسة المرمى الفنش عنده مختلف من حيث الطريقة، يعني كل مهاجم عنده طريقة أو اتنين لكن في الحتة دي بالذات،تاني وتالت ورابع أستعير تعبير جوميز لما سأله أنت بتعمل ده ليه؟ قال له ماعرفش، ماعرفش هي الكورة لما بتيجي كده أنا عدلتي ليها الناحية دي، هو الراجل في دي سوبر”.
و استأنف المحمودي: “يمكن عنده نواقص في حاجات تانية هو مش أعظم مهاجم لكن في دي.. نبص مع بعض، من فتوح لناصر الأوفر عالي أولاً، حرس الحدود الدقيقة 90 الكورة لما نزلت عند فتوح هتلاقيه أول ما الكورة جت هو فين؟ طك بيتحرك على طول، سبق الاتنين في ثانية وراحت تشباية رايحة على الجون بمنتهى الروعة، قرى المشهد كده”.
وأختتم:” ناصر يستحق التحية سواء انضم لمنتخب مصر أوا لا، يستحق أن يكون في عيون جمهور الزمالك أسطورة بالمعنى الخاص بسيناريو الفريق في الموسم الحالي”.
شاهد:
