شن عماد متعب، مهاجم النادي الأهلي الأسبق، هجوم قوي ضد ييس توروب، المدير الفني للأحمر، بسبب كامويش لاعب الفريق وعدم إشراك محمد شريف، وذلك رغم الفوز أمام سموحة ضمن منافسات بطولة الدوري.
وقال متعب، خلال تصريحات تليفزيونية عبر قناة، أون سبورت”:” أنا مش عارف بصراحة، عشان أكون صريح هو كامويش ممكن يكون بيعمل إيه في التمرين أو ظاهر إزاي عشان تصر إنك تديله فرص بالشكل ده”.
وتابع:” هو ما إدانيش حتى حاجة تقول إنه ممكن يبقى كويس أو يتاقلم مع الوقت؛ استلام عادي جداً، تحرك في مساحات مبشوفش، التحامات قوية مش لاقي، بدماغه المفروض مع الطول اللي عنده مبياخدش الكور العالية”.
وشدد متعب:” طيب إيه اللي موجود إحنا مش شايفينه؟ أنا محمد شريف لعيب سريع وكان هداف النادي الأهلي، إديله وقته، محمد شريف ‘جعان كورة’ دلوقتي عايز يقول أنا موجود”.
و أضاف:” أنا كمان بحس إن كامويش ابتدى يتضغط، فيه كور حتى السيطرة على الكورة في نص الملعب، كل مباراة مفيش حاجة بتطلع فدي برضه بتوتره أكتر، بس أنت عارف في وقت لو أنت مش ماشية معاك بتموت نفسك في الملعب، بتجري بتضغط بتحاول، هو لسه مريح الدنيا هادية”.
وأشار متعب:” أنا معرفش إمكانياته عاملة إزاي، فلافيو في التمرين كان مكسر الدنيا وإمكانياته عالية جداً وفي الملعب مكنتش ماشية معاه لكن إحنا عارفين إنه لعيب جامد، أنا معرفش كامويش كدة ولا لأ”.
وواصل: “عايز أعرف النادي الأهلي إيه شكل الأداء بتاع النادي الأهلي إيه؟ الهوية بتاعته إيه؟ إحنا برضه لسه مش شايفين شكل وطريقة أداء بالنسبة للنادي الأهلي”
وأختتم: “أنا عشان أكون صريح معاك ريتم النادي الأهلي مش عاجبني، ولا الضغط عاجبني، ولا سرعة الأداء عاجباني. النادي الأهلي بيلعب بهدوء أكتر من لازم”.
