زف هشام نصر، نائب رئيس الزمالك، بشرى سارة لجماهير الفارس الأبيض بشأن الأزمة المالية التي يعاني منها النادي.
وقال نصر، خلال مداخلة هاتفية ببرنامج “ملعب أون”، عبر قناة “أون سبورت”: “الحمد لله الحمد لله مبروك لجماهير الزمالك زي ما إنت قلت أول ناس لازم يتبارك لها هي جماهير نادي الزمالك الحمد لله.”
ومن جانبه تدخل الإعلامي سيف زاهر قائلا: “والنبي يا فندم أنا لي رجاء بعد إذن حضرتك قبل ما نخش في المباركة الجمهور النهارده باعت لي من فضل حضراتكم نزود أتوبيسات شوية لأن عدد النهارده راح عند النادي أنا عارف إن العدد كان كبير وعارف إن حضراتكم بدل 10 أتوبيسات جبتوا 15 أتوبيس ولكن في بعض الناس ما راحتش هو ده قدر حضراتكم إن جمهوركم كبير وملتزم بيروح كل الماتشات.”.
ليجيب نصر:” عايز أقول لك النهارده كان عدد الأتوبيسات كان متحدد، واتصل بيا اللواء حسن موسى وقال لي أنا هزود خمس أتوبيسات تانيين قلت له حالاً توفر لحد ما كل الجمهور إن شاء الله يوصل بالسلامة فإن شاء الله هنكون دول أكثر ناس لازم نخدمهم ونوفر لهم كل طلباتهم إن شاء الله.”
وعاد سيف زاهر وسأله: “هل يا فندم هناك أمل قريب في انتهاء الأزمة المالية داخل نادي الزمالك؟ هل هناك حلول جديدة؟”.
ورد نصر: “إحنا عمالين نبتكر في حلول جديدة أنا كنت في رحلة في دولة الإمارات لإيجاد حلول كثيرة إن شاء الله هنعلن عنها في وقتها ربنا يعلم قد إيه إحنا بنبذل مجهود كبير جداً علشان نوجد حلول أخرى لحل الأزمة المالية أكيد مش هتتحل في يوم وليلة محتاجة جهد كبير جداً لعظم هذه المشكلة لكن طول ما إنت بتشتغل وعندك أمل إنها تتحل أكيد إن7 شاء الله ربنا هيكرمنا.”
سيف زاهر: “هل يا فندم رحلة حضرتك في الإمارات هي وجود تمويلات لنادي الزمالك ولا وجود شراكة في مشروع كبير؟”
وأشار نصر: “لا بلاش كلمة تمويلات دي أكيد شراكات نادي الزمالك
نادي كبير يستحق إن ناس كتير جداً تجري وتبقى عايزة تشاركه علشان أكيد هي هتستفيد وإحنا هنستفيد إن شاء الله وهتسمعوا أخبار كويسة قريب إن شاء الله.”
وواصل: “ويمكن إحنا مقصرين شوية في الإعلان عن الخطوات اللي إحنا بنحاول نعملها وأنا عارف كويس جداً إن ده مزعج للجماهير لكن هييجي وقت إن شاء الله وهنطلع وهنوضح للناس إيه اللي بيتم وإيه اللي بيحصل لكن هم لازم يبقوا مطمئنين تماماً إن ما فيش تقصير مننا”.
وعاد سيف زاهر ليقول: “أنا سامع يا فندم إن في تحركات من حضرتك الفترة اللي فاتت برده لاحتواء أعضاء مجلس الإدارة كان في خلافات وحضرتك جمعتوهم واحتويت القصة هل اللي جاي أفضل؟
وأختتم:”: “أكيد على فكرة ظاهرة الخلاف ظاهرة طبيعية جداً في أي مجلس إدارة لما بيتكون مجلس من 12 رأي يعني في بينهم آراء مختلفة ومتفاوتة أكيد بيحصل خلافات ولكن الشطارة إن إنت تجمع الناس دي كلها مع بعض وعشان تبقى المنافسة في خدمة نادي الزمالك.”.
شاهد:
