كشف الإعلامي إبراهيم عبد الجواد، حقيقة إعتماد عقد معتمد جمال المدير الفني للزمالك من قبل إدارة النادي.
وقال عبد الجواد، خلال تصريحات تليفزيونية ببرنامج “ملعب أون”، عبر قناة “أون سبورت”:” سألنا الناس في إدارة الزمالك يا جماعة هو تم اعتماد عقد الكابتن معتمد جمال بشكل رسمي؟، قال لك الكابتن معتمد جمال ماشي زي الفل وناجح وعامل أكتر من اللي مطلوب منه وجمهور الزمالك بيحبه، وإحنا بنحبه والدنيا كلها بتحبه، بس إحنا متكلمناش في أي حاجة تخص اعتماد عقد الكابتن معتمد جمال”.
وتابع: “ودي حاجة دايماً بتبقى موجودة في الأندية إنه “ابن النادي يا عم عادي”، ده مفيش مشكلة، ابن النادي عادي مفيش مشاكل يعني خليه موجود معانا والدنيا ماشية وهو مبيشتكيش وإحنا مابنشتكيش والدنيا حلوة”.
واكمل عبد الجواد:” ليكوا هتاخدوا عليا هديكوا، الدنيا بتبقى ماشية بالمنظر ده. أنا مش من أنصار ده تماماً، عقد يتعمل للراجل لأن الراجل حتى هذه اللحظة هو أفضل من كل الناس اللي جت، وزملكاوي حتى النخاع بيحاول يلم الجمهور بالفرقة باللعيبة بكل حاجة”.
وانهى: “لكن حتى هذه اللحظة لسه ماتحطش ورق وقلم في قصة اعتماد عقد الكابتن معتمد جمال”.
شاهد:
