كشف إبراهيم حسن، مدير منتخب مصر، حقيقة طلب الجهاز الفني للفراعنة إلغاء بطولة الدوري المصري الممتاز بسبب كأس العالم 2026.
وقال حسن، في مداخلة هاتفية عبر قناة “أون سبورت”:” عن طلبهم إلغاء الدوري؟ مفيش الكلام ده خالص (إلغاء الدوري).. إحنا بنسمع الحاجات وبنستغرب اللي بيطلع الكلام ده، مش منطقي، ولا عمرنا طلبنا معسكرات طويلة، ولا طلبنا إن دوري يتلغي”.
وواصل:” المواقف اللي بتحصل دي للناس اللي بتاخد قرارها، إحنا كل اللي بنطلبه هو أسبوع زيادة قبل كاس الأمم أو قبل الماتشات المهمة عشان نقدر نعلى فنياً وبدنياً باللاعيبة”.
وأشار حسن:” عن طلبات المعسكرات القادمة؟ إحنا طلباتنا إننا ناخد أسبوع زيادة في شهر 5 قبل ماتش البرازيل، وتنسيق بسيط في شهر 3″.
وتابع:” لما تحسب الكلام اللي بيتقال ده مش منطقي، لأن عندك أهلي وزمالك وبيراميدز والمصري بيلعبوا في أفريقيا “.
وانهى قائلا:” إحنا مش طالبين نلغي الدوري، إزاي واللاعيبة لازم تكون مستعدة؟ ما اعتقدش الكلام ده منطقي إننا نلغي الدوري وناخد الفريق ست شهور مثلاً”.
