إبراهيم فايق يتغنى بالزمالك وجمهوره بعد التأهل الإفريقي ووتصدر الدوري.. “من الجحود انك متدلهمش حقهم”

تغنى الإعلامي إبراهيم فايق، بالزمالك وجماهيره ولاعبيه ومديره الفني، بعد تصدر الدوري المصري الممتاز والتأهل لنصف نهائي الكونفدرالية.

وقال فايق، خلال تصريحات تليفزيونية ببرنامج “الكورة مع فايق”، عبر قناة” ام بي سي مصر 2″:” اول حاجه لازم اتكلم فيها بعد مباراة مصر والسعودية هي نادي الزمالك واللي بيقدمه خلال الفترة الماضية”.

و أضاف:” الزمالك لم يحصل على حقه خلال الفترة الماضية.. 7 انتصارات متتالية مع كابتن معتمد جمال رغم كل الأزمات وإيقاف القيد اللي وصل 14 قضية ده إنجاز والله”.

وواصل فايق:” اللعيبه عندها إصرار عايزه تكسب .. وده بيفرق والله وإنك تحافظ على اللعيبة رغم كل الضغوط، ده شيء كبير، والزمالك قطع شوط مهم ولسه فاضل 7 جولات للحسم في الدوري”.

وشدد:” الحاجه المهمة أن نادي الزمالك هو الفريق المصري الوحيد اللي مكمل في بطولات افريقيا وخروج الأهلي وبيراميدز والمصري، مع إن الظروف تقول عكس كده.. يعني الظروف تقول الزمالك أول فريق يودع بطولات افريقيا لكن الزمالك بيقدم عظمة”.

وأكمل فايق: “جمهور نادي الزمالك عظيم حقيقي رغم أن كل الناس شايفه أن الفوطة مرمية لكنهم مساندين مساندة كبيرة وعندهم كل الفرص، جون إدوارد عامل من الفسيخ شربات شئت أم ابيت .. لم يكن أحد يتوقع كده خالص”.

وأكد:” لما تشوف كل اللي بيقدمه الزمالك ده يبقى من الجحود إنك متديش ليهم حقهم “.

وأتم:” لازم تبص لجمهور الزمالك اللي يستحق التحية والشكر على وجوده، وهما العنصر الوحيد اللي مبياخدش حاجة، وعمره ما كان عنده حيادية في دعم فريقه، لازم نتكلم ونشيد بجمهور الزمالك”.