انتقد الإعلامي سيف زاهر، لاعبي الأهلي، بعد الخروج من بطولة دوري أبطال إفريقيا أمام الترجي.
وقال زاهر، خلال تصريحات تليفزيونية ببرنامج “ملعب أون”، عبر قناة “أون سبورت”:” مصر كلها تكلمني هتطلع تقول ايه الاهلي، الاهلي مسيطر على الشارع الكروي، ورايح على فين، والقصة ايه مينفعش تقولنا الدنيا كويسه، اكيد في ازمه كبيره بالاهلي لم يتعرض لها من سنوات وأدائه الفني مش راضي اي حد والجمهور حزين”.
وتابع: “توروب خارج نطاق الخدمه ولايوجد اي سيطرة على الفريق، ولا تغييرات، وصفقات واسف في اللفظ رجال اعمال، مفيش روح اختفت روح الفانله الحمراء،، بياخدوا ارقام بدون مردود انت يتلعب في الاهلي بارقام كبيره، ومبنشوفش حاجه والامر من سيئ لاسوأ”.
و أضاف زاهر:” الاهلي معودنا من مطب وبعدها يفوق ولكن الجيل الحالي دخل شارع المطبات ومبيفوقش، النهايه كانت نفق مظلم هو الخروج السيئ الحزين جدا من افريقيا الاهلي ميخرجش بالمنظر ده من الترجي ولكن على ارضك، المشهد كده امر عجيب، لعيبه بلا اي طموحات ومعرفش بتفكر في ايه، ده انا انزل اكل النجيله”.
وشدد:” لازم ادارة الاهلي تعاقب اللعيبه وتجمد قلبك وتدرس وترجع الانضباط الادارة لازم تاخد حقها من اللعيبه والجمهور ولازم الجميع يستحمل الانتقاد والفاتوره عند اللعيبه، الاهلي جاب صفقات عيار ثقيل ولكن بادور على الريحه انا مش شايف اي عيار، ومش واقف علي حد، فريق الاهلي بالكامل خارج نطاق الخدمه الفريق كله بلا طموح وحاسس ان بتفرج على فرقه لابسه تيشرت لونه احمر مش الاهلي”.
وواصل زاهر:” احنا كلنا واحد والكل يتساءل ازاي الاهلي يخرج بالشكل ده، وازاي الكرة المصريه وصلت لده، وازاي وازاي وكلها اسئله بلا اجابات، اكيد الادارة عرفت ان في اخفاق في صفقات يناير وفي لعيبه كويسه مشيتها، الاهلي في ازمه وعلى ادارة الاهلي مصارحه الناس”.
وأكمل:” السؤال هل في اخطاء من الثلاثي الخطيب وياسين منصور وسيد عبد الحفيظ، اكيد في صفقات غلط ومدير فني، لكن هل الوضع يستاهل تحزن؟ ايوه، ولكن يتقبل الخروج عن النص؟ لا”.
وزاد زاهر:” ادارة الاهلي قررت اقاله لجنة التخطيط واقالة الاسكاوتنج والتوجه للتعاقد مع شركة عالميه للاسكاوتنج والتعاقدات، الاهلي محتاج رؤية واضحة المفروض مجلس الادارة يكون عنده رؤية لقطاع الناشئين”.
وأختتم: “الاهلي مش محتاج لعيبه او تعاقدات محتاج قرارات تاريخيه وعين حمرا للعيبه، وجمهوره جمهوره جمهوره، الجمهور لو اعتقد انه هيبعد بيعاقب اللعيبه لا بيبقى بيعاقب الاهلي، بذكر بس وفي النهاية الاهلي يحتاج رؤيه جديده في كرة القدم”.
