ايمن الشريعي يحرج سيف زاهر على الهواء بسبب الزمالك ويوضح حقيقة رفضه تغير موعد المباراة

أحرج أيمن الشريعي، رئيس نادي إنبي، الإعلامي سيف زاهر، بسبب الزمالك قبل مواجهة الفريقين في ختام الدور الاول من الدوري المصري الممتاز.

وقال الشريعي، خلال تواجده ضيفا، في برنامج “ملعب أون”، عبر قناة” أون سبورت”، ردا على سؤال سيف زاهر، ممكن تننازل عن تذاكرك لنادي الزمالك؟ اه عادي جداً الزمالك أو الأهلي أو بيراميدز.. معندناش مشكلة في القصه دي، أرحب بالتنازل عن الدعوات المخصصة لنادي إنبي لجماهير الزمالك”.

وعاد سيف زاهر وسأله:” طيب طالما كده موافقتش ليه على تقديم مباراة إنبي ضد الزمالك؟ ليجيب: “أنا مرفضتش اقدم يوم لنادي الزمالك.. ده أساس شغل الرابطة إعداد الجدول، أنا الرابطة حطلتي كهرباء الإسماعيلية يوم السبت وفي إسماعيلية والمباراة خلصانه متأخر، وعقبال ما يرجعوا يعني هيبقى عندهم يوم واحد بس قبل الزمالك وده وصعب جدا على اللعيبه”.

ووجه زاهر سؤال جديد:” متخفش من حضور الجماهيري الكبير يتسبب في ضغط على لعيبه إنبي؟ ليؤكد الشريعي: “لا الموضوع ده صعب، اللعيبه بقت تلعب تحت الضغوط وتقدر تحقق نتائج كمان، ده حصل في اخر مباراة بينا مع الأهلي في كأس الرابطة وكسبنا أو لقاء الدوري المصري اتعادلنا قدام الأهلي”.

وأختتم” اللاعب لما يبقى صاعد من تحت أول ماتش ممكن يتخض اه .. لكن اللعيبه حالياً تقدر تلعب تحت ضغط الجمهور”.