فتح أسامه حسني، مذيع قناة الأهلي، النار على حكم مباراة الفريق امام الترجي التونسي،عقب الخسارة،في ذهاب ربع نهائي دور أبطال إفريقيا.
وخسر الفريق الأول لكرة القدم بالنادي الأهلي أمام الترجي التونسي، بهدف دون مقابل، في المباراة التي جمعت بينهما، ضمن منافسات بطولة دوري أبطال إفريقيا.
وقال حسني،خلال تصريحات تليفزيونية عبر قناة “الأهلي” بعد الخسارة من الترجي التونسي: “هارد لك للاعيبة النادي الأهلي، النهاردة اللاعيبة كلها رجالة ما حدش قصر”.
و أضاف:” مقدرش النهاردة أقول إن الترجي هو اللي فاز على الأهلي، ولكن النهاردة مباراة بيديرها حكم ظالم فاسد مرتشي، وللأسف أصبحت مباريات اللي بتدار تحت الاتحاد الأفريقي بقى هو ده عنوانها وهو بقى ده الشكل”.
وشدد حسني:” ضربة جزاء لصالح النادي الأهلي في الشوط الأول لأشرف بن شرقي بتعدي مرور الكرام، وكورة على النادي الأهلي محمد هاني إيده في وضعية طبيعية جداً، الفار بيعيدها مرة واتنين وعشرة، وحكم سنغالي فاسد مرتشي ظالم بيحسبها ركلة جزاء”.
و أردف:” وشوفوا الحكم بعد نهاية المباراة وهو بيطلع الكارت الأحمر وهو واقف في نص الملعب، وعارف إنه ظلم لاعيبة النادي الأهلي وظلم النادي الأهلي النهاردة، فكمان لأي حد هيقرب مني هدي له كارت أحمر. هو ده الفجر التحكيمي، وللأسف بقى هو ده العنوان والمانشيتات في الاتحاد الأفريقي”.
و تابع حسني:” أي مباراة بيديرها حكم أفريقي تحت لجنة حكام أفريقية ظالمة وفاسدة بقى هو ده الشكل”.
و أكمل:” مقدرش النهاردة أقول إن الترجي كسب أو الترجي لعب، لكن النهاردة اللي كسب النادي الأهلي هو الحكم السنغالي عيسى سي. الشوط الأول خلص في رادس 1-0 لصالح عيسى سي”.
وأكد حسني:” أهلاً بالترجي في ملعبنا في استاد القاهرة، الماتش اللي جاي بدون جمهور لكن إن شاء الله عندنا لاعيبة رجالة تقدر الماتش اللي جاي تكسب اتنين وتلاتة بعد الأداء الرجولي اللي شفناه النهاردة”.
وأختتم:” إن شاء الله لاعيبة النادي الأهلي قادرة تدي الترجي درس ما ينساهوش في كرة القدم، الترجي في المتناول وإن شاء الله نقدر نكسبه، بس بشرط واحد لاعيبتك تبقى رجالة وروحها تبقى عالية ونستغل الفرص”.
