حذر الإعلامي سيف زاهر، الزمالك وجماهيره،من تصريحات أيمن الشريعي رئيس إنبي قبل مواجهة الفريقين القادمة في الدوري.
وقال زاهر،خلال تصريحات تليفزيونية ببرنامج “ملعب أون”، عبر قناة “أون سبورت”:” الزمالك بيدور على الفوز أمام إنبي، البنك الاهلي بره المنافسه على التأهل لمجموعة الـ7 المنافسين عن الدوري، الفرصه عند انبي وزد الاثنين بيدورا على التاهل”.
و أردف: “تعال لي بقى وركز معايا، الدنيا اتقلبت امبارح، والدنيا امبارح باظت خالص خالص خالص بعد تصريحات أيمن الشريعي. طيب، الدنيا ليه اتلخبطت واتدربكت؟ الدنيا اتدربكت لأن كل الناس قالت لك أيمن الشريعي قال لك كده اتعشت كده خلصت، وإحنا عملنا اللي إحنا عايزينه، وهيسيب المباراة للزمالك”.
و تابع زاهر:” نداء، أنا مش جاي النهارده أقول أيمن الشريعي قال إيه، لأن أيمن الشريعي قال خلاص وهو مسؤول عن تصريحاته، ولكن نداء إلى لاعبي نادي الزمالك، نداء إلى جمهور نادي الزمالك الكبير العظيم؛ أيمن الشريعي بينيم الكل. يعني إيه؟ يعني أنا ما عنديش وأنا عندي جوه، أيمن الشريعي بينيم الكل”.
وشدد: ” اوعوا الناس تفتكر إن المشهد اللي شافوه على الهواء من أيمن الشريعي ده هي دي الحقيقة، أيمن الشريعي بينيم الدنيا، أنا مش عايز وشكراً وكده تمام وبتاع، ما فيش مكافآت دي مباراة عادية وبتاع، هو مدرسة الشريعي كده، وأنا مش بتاع كورة وأنا مش بتاع فنيات وأنا مش عارف إيه، هو بتاع كل حاجة وعارف كل حاجة والدنيا”.
وواصل زاهر: “أنا بتكلم هنا بمنتهى الصراحة، أيمن الشريعي كان معايا امبارح وتصريحاته قلبت الدنيا، لست في دفاع عنه ولا أي حاجة، هو يحاسب على تصريحاته، ولكن أنا بقول لحضراتكم أيمن الشريعي قايل تصريحات “فيك” بينيم بيها الدنيا، يعني أنا مش عايز، هتشوف أيمن الشريعي لو كسب هو بينط من المدرجات، فالقصة دي أنا على الناس إن هي تنساها، دي تصريحات بتمتص القصة”.
وزاد: رايح بهدي الدنيا، أنا مش في دماغي، أنا كده خسرت وخلاص ومش مهم الماتش وهقفل على اللعيبة وهقفل على نفسي في الأوضة وهقول لهم ده ماتش مباراة حياة أو موت مش عايز هزار، فاوعى حد يفتكر إن الزمالك رايح يقابل فرقة سهلة أو فرقة نازلة يعني تلعب تقسيمة أو هيقابله بالناشئين أو القصص اللي أنا سمعتها النهارده دي”.
و أستأنف زاهر: أنا بقول لحضراتكم زي ما اتكلمت قبل ماتش الأهلي وطلائع الجيش وقعدت أقول حاسب وخلي بالك وخلي بالك وخلي بالك عشان الأمور تبقى واضحة، اوعى حد يفتكر إن الزمالك هيروح ماتش إنبي في نزهة، الزمالك لو مش رايح في مباراة تقيلة”.
وأكد:’الزمالك رايح يقابل فريق كبير وتقيل وفريق محترم وفريق رايح يكسب وهيموت نفسه في الملعب على الثلاث نقاط، مش رايح تمثيل مشرف، مش رايح زي ما أيمن الشريعي قال اتعشت وأنا والـ 13 وبتاع، والـ لو الفرقة حتى كسبانة هقول لهم خلاص يا جماعة إحنا عايزين نبقى تحته، اوعى تصدق الكلام ده، الكلام ده كده بيتقال كده عادي عادي يعني ما فيش مشاكل. ياما مدربين في وقت من الأوقات أو مسؤول يقول لك أنا مش بنافس السنة دي، أنا مش بنافس ويخش يكسر الأوضة، أنا مش بنافس أنا مش جاي أخد بطولات ويخش يدغدغ الدنيا ويخش ياخد بطولة. أنا قلت السيناريو اللي جمهور الزمالك هفكروا بيه بعد الماتش”.
واستطرد زاهر: “الكلام اللي أيمن الشريعي قاله بينيم بيه الدنيا ولكن مش هي دي الحقيقة، مش هو ده اللي هو عايزه ولا هي دي طموحاته. سيبك إني أقول إن دي طموحاتي وتمام أنا ماشي،أنا بوجه رسالة لحاجات في دماغي، لكن في النهاية أنا نازل ماتش وهنشوف يوم الأربعاء لو فرقة الزمالك مش نازلة عارفة إن هي نازلة تدغدغ الدنيا، الماتش صعب والمباراة صعبة والمباراة دي هي مباراة القرب من الدوري لفريق الزمالك”.
وأضاف:” الكلام ده كبير، يعني إيه؟ أقول لحضرتك يعني إيه؛ نادي الزمالك بعد المباراة دي داخل على مجموعة ‘اللي يحصلني يكسرني’، رايح يقابل الأهلي والمصري وسيراميكا وبيراميدز وفرق انسى، لو أنا النهارده خدت الثلاث نقط من إنبي، خلاص هروح فرق ست نقط، يعني هروح في ماتش في مواجهات مباشرة ماتش كمان، كل سنة وأنتم طيبين خلصت القصة. لو أنا خسرت قدام إنبي، كل سنة وأنتم طيبين، رجع بقى ودخل بيراميدز في الجيم جامد والقصة، ودخلت متساوي فرق ثلاث نقط مع الأهلي، يبقى أنا رفضت الهدية، يبقى أنا عندي المواجهة المباشرة برضه يرد الأهلي ويرجع تاني”.
و أستكمل: “أنا بشرح لحضراتكم كل السيناريوهات، ما فيش حد نايم، يعني فرقة الأهلي الخسرانة النهارده قاعدة مستنية الدوري ما فيش هزار، بيراميدز النهارده في الجيم ثلاث نقط وعنده مواجهة مباشرة مع الزمالك، هو باصص على الدوري، ما فيش فرقة من الأهلي والزمالك وبيراميدز مش باصة على الدوري. سيراميكا بعدت شوية ولكن ما تعرفش، ما تعرفش يحصل إيه، فاوعى حد ينام مع الكلام ولا مع التصريحات، ما فيش ماتش بيخلص في الأتوبيس، ما فيش ماتش بيروح”.
واختتم:” كل حاجة واردة؛ إنبي يكسب وارد، الزمالك يكسب وارد، يبقى ست نقاط، يبقى تلاتة، يرجع الأهلي يرد ياخد الدوري، بيراميدز هو اللي ياخد الدوري، الزمالك يفرق وياخد الدوري، ما عنديش حاجة اسمها توقعات خلاص، الزمن ده ولئ أنا في الآخر بشرح اللي شفناه في السنين اللي فاتت، لا توقعات لا أفضلية فريق على فريق، كل حاجة واردة.”.
شاهد:
