تحدث نادر السيد حارس مرمى مصر السابق، عن خسارة الأهلي أمام طلائع الجيش في الدوري المصري، وقيم أداء محمد الشناوي حارس الفريق واشاد بنظيره عماد السيد.
وقال السيد، في مداخلة هاتفية عبر قناة “أون سبورت”:’عماد السيد حارس طلائع الجيش عمل مباراة مميزة أمام الأهلي، والفريق بشكل عام كمان”.
وأشار:” مع احترامنا الكامل لكل فرق الدوري إنما لما بتلعب قدام الفرق الكبيرة بيبقى عندهم دوافع تانية”
وتابع السيد: “الشناوي يسأل عن أهداف طلائع الجيش؟ حارس المرمى جزء من الفريق فالفريق بشكل عام الحقيقة مش في أحسن حالاته يعني ومش هندخل في أسباب. إنما الفريق بشكل عام أداؤه سواء الخططي ولا البدني ولا الرغبة حتى مش أحسن حاجة”.
و واصل:” لما نيجي نتكلم على الجول الأول يعني اولا اللعيبة متمركزه جوه الـ 18 ومفيش أي حد عنده المبادرة إن هو يشتغل أو إن هو يضغط أو إن هو يطلع الكورة أو إن هو يكون بيقاتل على الكورة فده أمر طبيعي. إنما النقطة المهمة إن حارس المرمى أداؤه بيتأثر بأداء الفريق يعني إنما لو نتكلم على الشكل الفني فالشناوي مغلطش غلط مباشر وصحيح”.
وبشأن الزمالك. اتم: “دايما الزمالك والاهلي مع احترامنا لبيراميدز. الفريق بيتاثر معنويا بنتائج المنافس، الزمالك بالدفعه الكبيرة والجماهير الداعمه هياخد دفعة قويه في ماتش إنبي”.
