دافع الإعلامي سيف زاهر، عن مجلس إدارة الأهلي بعد قرارت محمود الخطيب اليوم ضد لاعبي الفريق عقب الخسارة أمام طلائع الجيش، وانتقد الدنماركي ييس توروب المدير الفني للأحمر.
وقال زاهر، خلال تصريحات تليفزيونية ببرنامج “ملعب أون”، عبر قناة “أون سبورت”:” زي ما قلت اول امبارح زي ما كتير جدا بيتكرر دلوقتي بنقول الموضوع ونيجي تاني يوم نترجمه بنشرح الحاجه وتاني يوم نيجي نلاقيها اتحققت ما بقولش ان انا بجيب من المصدر انا بقول في النهايه ان انا دارس كويس الموقف”.
وتابع: “دارس تاريخ النادي تاريخ النادي الاهلي دارس خصوصيه النادي الاهلي وشخصيته قلت لحضراتكم امبارح ان خلال ساعات هيصدر النادي الاهلي، قرار بعقوبات تاريخيه قلت الجمله دي امبارح مع حضراتكم هنا 30% خصم مرتبات اللاعبين قرارات الكابتن محمود الخطيب 25% تجميدمن عقود ومستحقات اللاعبين تجمتهم يعني هات ال 25 دول على جنب اما نشوف الدنيا ايه سفر الفريق الى تونس يوم بدري يعني شد يوم من الاجازه كنوع من العقاب والالتزام”.
وواصل زاهر:” وعلشان الجواب دايما بيبان من عنوانه لازم يبقى القرارات، قرر الكابتن محمود الخطيب الامور هنا واضحه لا الكابتن وليد صلاح لا الكابتن محمد يوسف لا قطاع كوره لا حدفي الكوره لا ولا لجنه تخطيط ولا اي حد هنا الكابتن محمود الخطيب بينور كشاف وبيقول ان انا دي قراراتي انا راجع بالحسم امور واضحه ومشاهد واضحه جدا جدا عشناها كتير جدا جدا مع النادي الاهلي اتفهم جيدا”.
و أضاف: اتفهم جيدا حجم الانتقاد الموجه لفريق الكوره اتفهم جيدا ان تورب رغم ان انا مش يعني مع قوي ان يخش في الموضوع يخش في المساله لكن ثاني وثالث ورابع اداره النادي الاهلي واكمل الفيديوهات اللي شفت فيها انتقاد لاداره الاهلي كابتن سيدعبد الحفيظ كابتن الخطيب ا مجلس اداره الاهلي ما هو دول هم انا بس بفكر والله انا هنا لا ان انا اشيل على حد ولا ادافع على حد ولا حارب حد بس انا بفكر في المواقف عشان الامور تبقى واضحه هم نفس الناس اللي عملوا الصفقات وسقفنا لهم في اول السنه هم نفس الناس كانت كل صفقه ببطوله الناس نسيت ولا ايه “.
و اردف:” عشان بس ندي الناس حقهم هي دي الناس اللي عملت صفقات اللي الناس سقفت عليها اللي قالت اداره الاهلي وفرت لفرقته لبن العصفور اشتغلت الصفقات ما اشتغلتش الصفقات ده موضوع ثاني في مشاكل ما فيش مشاكل ده موضوع ثالث ولكن هنا عشان الامور تبقى واضحه هنا ليس دفاعا على الكابتن الخطيب ولا على الكابتن سيد عبد الحفيظ ولا على ياسين منصور ولا على اي حد هنا الكلام بما يرضي الله الناس وفروا حاجات كتيره جدا للنادي الاهلي”.
و اشار زاهر:” اسباب النتائج ايه يقعد الكابتن سيد مع الاداره مع الكابتن الخطيب مع المجموعه اللي موجوده يشوف القصه قصه ايه ولكن الناس دي عملت اخطاء تستاهل عليها الانتقاد ولا عملت صفقات كبيره هو ده المشهد وهو ده السؤال اللي محتاج اجابه ثم
بعد كده كل حد بقى ليه وجهه نظر يقولها براحته ما فيش اي مشكله خالص لحد كده انا كل ده توقعته يعني لحد كده انا كل ده توقعته وكل ده بالنسبه لي تمام”.
وزاد:” انما في لقطه انا الحقيقه بيعجبني توروب في تصريحاته ولكن ما عجبنيش في لقطاته يعني ما عجبنيش النهارده ان انا يكون موجود لقطه او خبر ان توروب نزل لقطاع الناشئين علشان يبص على مهاجم فقعد مع المدير الفني لقطاع الناشئين عشان يدور على مهاجم دي لقطه ما يجب ان تكون “.
واختتم:” احنا هنا نحلل بالعقل والمنطق لما اجي بطولة الرابطه و يضحي بها الاهلي علشان توروب يبص علي الناشئين و يبص على كل دول وقال معنديش وقت لهم، وكان في لعيبه واعده رحلت معني انه مقرر الناس متنفعنيش، هو حر تيجي في عز الازمه نازل ادور عندكم ايه تحت قولنا لك جهز وخد ناشئين قولت معنديش وقت لكن تيجي تعمل لقطه وتنزل قطاع الناشئين دلوقتي”.
