تعليق مفاجئ من سيف زاهر على فوز الزمالك امام بيراميدز.. ويؤكد نجم الفريق “بطل الشغلانه”
علق الإعلامي سيف زاهر، على فوز الزمالك امام بيراميدز، ضمن منافسات بطولة الدوري المصري الممتاز.
وفاز فريق الزمالك على بيراميدز بهدف دون رد في المباراة التي أقيمت بينهما على ستاد الدفاع الجوي في إطار مباريات الجولة العشرين لمسابقة الدوري الممتاز، ليرفع الزمالك رصيده إلى 40 نقطة وينفرد بصدارة المسابقة
وقال زاهر،خلال تصريحات تليفزيونية ببرنامج “ملعب أون”،عبر قناة “أون سبورت”:” كل الناس امبارح استغربت أما قلت إن دوري نايل بيتحدى الدراما هذا العام في رمضان، ولكن أنا فعلاً في الحتة دي كنت غلطان، بعد النهاردة عايز أقول لحضراتكم إن إحنا النهاردة عندنا الجديد، نازلين بإيه؟ بفيلم العيد، فيلم العيد يوم 10 رمضان. آه، إحنا النهاردة نازلين بفيلم جديد خالص، كل يوم عندنا قصة مسلسل، كل يوم عندنا قصة فيلم.”
وتابع: “”انسى إنك تقدر تقلب القناة ولا تغمض عينيك، انسى النهاردة كل مصر وكل النهاردة الناس في الشارع الكروي واقفين بيتابعوا، اللي بيشجع الأهلي واللي بيشجع الزمالك واللي بيشجع المصري، وكلها مفاجآت، وكلها مفاجآت.”.
و واصل زاهر:” “امبارح مفاجآت بالجملة، النهاردة مفاجآت ولا عادي ما تعرفش، ولكن الزمالك النهاردة بيفوز على نادي بيراميدز في تفوق من العيار الثقيل، والفوز السابع على التوالي لنادي الزمالك، وسط أزماته بيصنع البطولات، من داخل المشاكل والأزمات بيصنع البطولات”.
وشدد:” ناصر منسي هو بطل الشغلانة، ناصر منسي النهاردة هو نجم اللقاء، أكيد قاعد بيحاول وقاعد زي ما بيقولوا كده بيدور على هدف، بيدور على هدف لا يكل ولا يمل، مش بس كده، لأ ده بعد الهدف كمان حسام عبد المجيد عايز يقول لعبد الله السعيد أنت أخويا وحبيبي بغض النظر. آدي الكورة في الجون، شايط الحقيقة ضربة جزاء رائعة”.
و اكمل زاهر:” حسام عبد المجيد، عبد الله السعيد حبايب وإخوات، مين أول واحد قبله؟ أول احتفال عبد الله السعيد، إذاً الدنيا سلكة والفوز ما يجيش غير والدنيا سلكة. النهاردة لعيبة الزمالك عندها روح، النهاردة 20 لعيب في الملعب في حضور النهاردة كبير ودعم كبير من خارج المستطيل الأخضر ومن خارج الملعب لفريق نادي الزمالك.”
وزاد: “”آدي عبد مع حسام وآدي احتفال كبير أهو جري بيه، وزي ما أنتم شايفين شاله وقال له مهما يقولوا إحنا برضه حبايب أهو، وآدي الشغلانة أهي خلصت وآدي الدنيا رايحة في منطقة تانية”.
واختتم:” الزمالك رجع جمهوره تاني الي صفوفه بالملايين.. مدرسة الفن والهندسة رجعت من جديد، الشوارع النهاردة و القهاوي كلها زمالك و كله قاعد مبسوط، ده شكل جماهير الزمالك في المدرجات ودول جمهور المدرج و دول الجماهير اللي بتشجع، فوز الزمالك اليوم هو السابع على التوالي تألق كبير و مستحق عن جدارة امام بيراميدز و الأبيض في الصدارة”.
