علق معتمد جمال المدير الفني لنادي الزمالك،على التأهل لنصف نهائي الكونفدرالية، بعد الفوز أمام أوتوهو، ضمن منافسات دور ربع النهائي.
وقال جمال، في المؤتمر الصحفي عقب المباراة: “للاسف إحنا بنصعب الأمور على نفسنا، حتى لو الأداء مش احسن حاجه لكننا خرجنا الشوط الأول بنتيجة كويسة”.
و أضاف:” الشوط الثاني كنا نقدر نوصلها لأربعة لكن سوء تصرف خلانا نوصل للمرحلة دي في اخر دقائق الماتش بسبب الهدف اللي استقبلناه والطرد”.
وشدد جمال:” مش هيفيد ندم اي حد أو أي اعتذار لو كنا خرجنا النهارده.. أتمنى بس الولاد يستفادوا من اللي حصل علشان الجاي ”
وواصل:” مش لاقي كلام اشكر بيه جمهور الزمالك لانه لو مكنش موجود مكناش اتاهلنا النهارده بجد “.
وهل تم اختيار الجزيري حارس بناء عن تجربه في التدريبات؟ اجاب:” لا أنا مش هدرب اللعيبه على أنهم يلعبوا حراس .. لا الموقف ده جديد عليا وحاولت اشوف مين الأجهز في الموقف ده .. لكن الوضع كان صعب اوي”.
.
وفاز فريق الزمالك على نظيره أوتوهو بطل الكونغو برازافيل بثنائية مقابل هدف المباراة التي أقيمت بينهما مساء اليوم الأحد على إستاد القاهرة الدولي في إياب دور الثمانية لبطولة كأس الكونفيدرالية الأفريقية، ليتأهل الأبيض لمواجهة شباب بلوزداد الجزائري في نصف نهائي الكونفيدرالية، بعدما سبق وتعادل في لقاء الذهاب بهدف لكل فريق.
