كشف حازم إمام، نجم الزمالك السابق، كواليس جلسة مجلس إدارة النادي مع ممدوح عباس، رئيس الفارس الأبيض الاسبق، خلال الساعات الماضية وحقيقه عرضه استقدام حكام أجانب لمباريات الفريق في الدوري.
وقال إمام، خلال مداخلة هاتفية ببرنامج “ملعب أون”،عبر قناة “أون سبورت”:” مكنش في حاجه استاذ ممدوح عمل فطار ومجلس ادارة الزمالك كانوا موجودين وكانوا بيشكروه علي دعمه للنادي ومنحوه درع النادي بعد الرئاسة الشرفيه لانه بيدعم النادي بشكل كبير”.
و أضاف: “مفيش حاجه اتقالت واتفاجئت بالكلام المنتشر و القعده كانت وديه جدا، والمجلس شكروا استاذ ممدوح على وقفته معهم وقال انه زملكاوي ومستعد دايما لخدمه النادي”.
وشدد إمام:” مفيش ان الاستاذ ممدوح عرض ان يجي حكام اجانب لمباريات الزمالك في الدوري والمجلس رفض، متقالش كده، معرفش الحاجات دي جت منين”.
وتابع:” كل الكلام كان ايجابي و تكلموا ان كلمة السر الجمهور اللي عمل ابداع امام الاتحاد، عدد جماهير هو الاكبر في الدوري وكل الكلام عن كده”.
وأشار إمام:” ومازالت المشاكل الماليه موجوده وعقود اللعيبه ماخدوش منها مستحقات، واللي عملوه اللعيبه انجاز وبيأدوا برجوله والمجلس بيحاولوا يصرفوا مكافات فوريه عقب الفوز وربنا يوفقهم”.
وأختتم: “كابتن احمد سليمان كان موجود معرفش تفاصيل اللي بينه وبين المجلس، لكن القعده كانت وديه وهو قاعد مع الناس وبيكلموا محستش ان في مشكله بينهم وكل الناس موجوده مشوفتش انه بعد، والدنيا ماشيه كويس وجون ادوارد بيدير وهم بيدعموا وهو مسئول عن ملف الكرة”.
