برسائل حادة ونبرة لا تعرف الخوف، رفع حسام حسن، المدير الفني لمنتخب مصر، سقف التوقعات قبل صدام “الفراعنة” مع المنتخب الإسباني، المصنف الأول عالمياً. ولم يكتفِ العميد بالحديث الفني، بل وجه رسائل “مشفرة” للعالم بأن التاريخ المصري قادر على تكرار المعجزات.
وقال حسن، في المؤتمر الصحفي قبل مباراة إسبانيا:” أنا طموحي كبير مع المنتخب المصري وعايز اعمل حاجه وجاي وأنا عارف إني هلاعب منتخب مُصنَّف أول عالميًا وهو المرشح الأول لكأس العالم”.
وأكمل:” إحنا برضه منتخبنا قوي وكسب أمم أفريقيا كتير وعندنا نجوم محترفين كتير زي صلاح ومرموش ومصطفى محمد وعبد المنعم وانضم لينا الفترة الأخيرة هيثم حسن بيلعب هنا في اسبانيا”.
و اردف حسن: “أنا هلاعب إسبانيا في وسط ملعبهم ووسط جمهورهم وكان ممكن نعتذر عن المباراة بسبب ضيق الوقت بين مباراة السعودية وإسبانيا وخصوصًا إن في سفر كتير لان المباراة كانت في الأول هتلعب دورة في قطر فكان ملعب محايد للكل ومفيش تنقل كتير، لكنها مخاطرة أننا نلعب في إسبانيا وأنا سعيد بيها وعايز استفاد منها”.
وشدد:” أنا متفائل إننا هنستفاد ونقدم كورة حلوة للجميع، أنا عارف إن منتخب إسبانيا هو المُصنَّف الأول لكن كرة القدم مش بتعترف بالكلام ده”.
وأكد حسن:” عندنا الكورة في مصر مش قليلة وحتى مشاركتنا في كأس العالم دايمًا حلوة وشاركنا 4 مرات، في كأس عالم 90 أنا كنت موجود وحققنا نتيجة إيجابية قدام هولندا اللي كانت قوية جدًا وقتها”.
وأتم:” لو حققنا نتيجة إيجابية زي مكسب أو تعادل قدام إسبانيا هيكون شيء مميز وكرة القدم فيها كل شيء”.
