فجر حسام حسن، المدير الفني لمنتخب مصر، شرارة الحماس قبل المواجهة المرتقبة أمام المنتخب الإسباني، مؤكداً أن “الفراعنة” لم يأتوا إلى مدريد للنزهة، بل لتقديم تجربة “مونديالية” تليق بسمعة الكرة المصرية، رغم اعترافه بصعوبة المهمة أمام المصنف الأول عالمياً.
وقال حسن، في المؤتمر الصحفي قبل مباراة اسبانيا:” إحنا سعداء إننا موجودين في دولة من أهم الدول اللي بتلعب كورة حديثة وحلوة في العالم زي اسبانيا وهي المصنف رقم 1 في العالم، والمباراة هتكون تجربة كبيرة لمنتخب مصر عشان كأس العالم”.
وتابع:” هنلاعب منتخبات في نفس المستوى ورغم إن الوقت قليل بين مباراة السعودية ومباراة بكرة لكن هنعمل مباراة تليق بالكرة المصرية وقادرين نقدم مباراة قوية بإذن الله ”
و شدد حسن:” في مباراة السعودية أنا ولاعيبتي عملنا تجربة جديدة في الملعب وهنعمل تجربة جديدة كمان قدام إسبانيا بكرة “.
و أضاف:” مكسب السعودية كان مكسب معنوي وأنا بعود اللعيبة بتاعتي إنهم هيلعبوا مستوى تاني في كأس العالم عشان كده لعبت السعودية وهلعب إسبانيا رغم ضيق الوقت بينهم وإن شاء الله نستفاد من مباراة بكرة زي مباراة السعودية”.
وأكد مواجهة إسبانيا على أرضها مخاطرة كبيرة جدا لكني سعيد بيها ولازم نلاعب منتخبات كبيرة وتدي اللعيبه خبرات كبيرة، أنا عن نفسي لا خايف ولا قلقان وعايز استفيد من المباراة دي ونعمل مباراة تليق بسمعة الكرة المصرية”.
واختتم:” طبيعي أي حد على مستوى العالم هيتابع المباراة هيكون متوقع اسبانيا تكسب بسهولة… ممكن تخسر اه لكن مش بسهولة وباذن الله نحقق نتيجة إيجابية”.
