حرص عبد الله أقطاي، لاعب إنبي، علي تقديم إعتذار لجماهير ونادي الزمالك بعد تصرفه خلال مباراة فريق مع الفارس الأبيض، ضمن منافسات بطولة الدوري المصري.
و أضاف أقطاي، خلال تصريحات مع كريم رمزي عبر إذاعة “ميجا إف إم”:” حصل سوء تفاهم بيني وبين جماهير الزمالك بسبب أجواء مباراة إنبي، وده اللي أدى للي حصل”.
و أردف “أنا حزين جدًا على اللي حصل، ومكنش قصدي خالص الإساءة لجماهير الزمالك” .
وأشار أقطاي:” الموضوع ملوش أي علاقة بالألوان، وأنا فعلًا متضايق من اللي حصل، الاحتفال اللي عملته على طريقة كهربا استفز جماهير الزمالك”.
و تابع:” الإشارة اللي حصلت كانت تلقائية ومكنتش مقصودة، وقت التبديل وأنا خارج من الملعب فوجئت بإلقاء زجاجات مياه من جماهير الزمالك”.
و قال أقطاي:” كمان واحد من إداريي نادي الزمالك تلفظ ضدي بشكل سيئ، وبعد المباراة اتعرضت للضرب والعنف من بعض لاعبي الزمالك أثناء الاحتفالات”.
و أكمل:” جماهير الزمالك فوق دماغي، وأنا مكنتش أقصد الإساءة ليهم نهائي وبعتذرلهم، أنا بعتذر لنادي الزمالك وجماهيره، وبعتذر كمان لجماهير الكرة المصرية كلها”.
و واصل أقطاي: “كل الناس فوق دماغي، وأنا كمان هنزل بيان اعتذار رسمي عن اللي حصل، حاجات كتير اتكتبت على السوشيال ميديا كانت فيك وغير صحيحة وعن إني مشجع لنادي الأهلي”.
وأتم:” أنا دلوقتي لاعب في إنبي وبشجع النادي اللي بلعب له وبحترمه جدًا، هدفنا في إنبي إننا نوصل لبطولة الكونفدرالية في الموسم المقبل بإذن الله”.
