خرج عبدالله أقطاي، لاعب نادي إنبي، عن صمته وكشف كواليس تجاوزه في حق جماهير الزمالك، خلال مباراة الفريقين الاخيرة ضمن منافسات الدوري.
وقال أقطاي،خلال تصريحات مع كريم رمزي عبر إذاعة “ميجا إف إم”:” حصل سوء تفاهم بيني وبين جماهير الزمالك بسبب أجواء مباراة إنبي، وده اللي أدى للي حصل”.
وتابع: “أنا حزين جدًا على اللي حصل، ومكنش قصدي خالص الإساءة لجماهير الزمالك” .
و شدد أقطاي:” الموضوع ملوش أي علاقة بالألوان، وأنا فعلًا متضايق من اللي حصل، الاحتفال اللي عملته على طريقة كهربا استفز جماهير الزمالك”.
وواصل:” الإشارة اللي حصلت كانت تلقائية ومكنتش مقصودة، وقت التبديل وأنا خارج من الملعب فوجئت بإلقاء زجاجات مياه من جماهير الزمالك”.
و أكمل أقطاي:” كمان واحد من إداريي نادي الزمالك تلفظ ضدي بشكل سيئ، وبعد المباراة اتعرضت للضرب والعنف من بعض لاعبي الزمالك أثناء الاحتفالات”.
واكد:” جماهير الزمالك فوق دماغي، وأنا مكنتش أقصد الإساءة ليهم نهائي وبعتذرلهم، أنا بعتذر لنادي الزمالك وجماهيره، وبعتذر كمان لجماهير الكرة المصرية كلها”.
وأشار أقطاي: “كل الناس فوق دماغي، وأنا كمان هنزل بيان اعتذار رسمي عن اللي حصل، حاجات كتير اتكتبت على السوشيال ميديا كانت فيك وغير صحيحة وعن إني مشجع لنادي الأهلي”.
وأختتم:” أنا دلوقتي لاعب في إنبي وبشجع النادي اللي بلعب له وبحترمه جدًا، هدفنا في إنبي إننا نوصل لبطولة الكونفدرالية في الموسم المقبل بإذن الله”.
