في تصريحات من العيار الثقيل أثارت جدلاً واسعاً في الوسط الرياضي، حمل محمد عبد الوهاب، عضو مجلس إدارة النادي الأهلي السابق، مسؤولية “تفكك غرف ملابس الفريق” لسياسات التعاقد الحالية، مشيراً بأصابع الاتهام إلى الأرقام المالية الضخمة التي تم إبرامها مؤخراً وخاصة صفقة أحمد سيد زيزو.
وفي حوار ساخن عبر برنامج “النجوم في رمضان”، على إذاعة” الشباب والرياضة” قال عبد الوهاب:”االمشكلة في الأهلي مدرب ولا لعيبة دلوقتي؟” اللعيبة مليون في المية، المدرب دوره بيخلص لغاية ما اللعيبة تنزل الملعب، هو مش هينزل يلعب بقى مش هينزل يقول حط اقف كده ولا تاني ولا ولا حط رجلك كده”.
وأكمل:” اللعيبة خلاص يعني استكفت خلاص، لازم لازم اللعيبة تتركن شوية، لازم تعرف إن النادي الأهلي أنت ولا هتزود ولا تنقص، إنت بيك من غيرك أنا هاخد دوري وآخد أفريقيا”..
وردا علي سؤال تنصح إدارة الأهلي بإيه الفترة القادمة؟ أجاب عبدالوهاب:” وقفة قوية جداً جداً جداً، ووقفة قوية لدرجة العنف مع اللاعبين دولت، لازم اللعيبة دي تعرف إنها بتلعب في أعظم نادي في العالم”.
وواصل:” خصم مستحقات ولا ايه؟، واضح إن موضوع الخصم دلوقتي مع المبالغ الكبيرة مبقتش تأثر يعني ما شاء الله كلهم مش فارقة مبقتش هي دي اللي بتوجع”.
وأكد عبد الوهاب:’لكن لا لازم وقفة جامدة، والله لو مش عايزني هات عرض وامشي مع السلامة، ويمشي واحد هيجي 10 يجي 100 للأسف فيه لعيبة دلوقتي مش مقدرة التيشيرت وفيه لعيبة جايلك ترانزيت”.
وواصل ردا على سؤال هل مقتنع بوجود لاعب يتقاضى 100 مليون جنيه في الموسم؟ وهل فيه لعيب في مصر يستاهل المبلغ ده؟:” غير مقتنع، وده كان اعتراضي من الأول، زيزو صنع ‘الفرقة’ في النادي الأهلي بسبب المبلغ اللي أعلن واه عمل مشكلة كلها في أوضة اللبس”.
وأشار عبد الوهاب:” هو اللي سبب فركشة أوضة اللبس، الرقم مش زيزو كشخص، الرقم أو التعاقد مع زيزو هو ده اللي عامل الفرقة طبعاً، وخلى اي حد يقول خلاص يبقى أنت جايبني بكذا وضحكت عليا وجايب واحد تاني كذا”.
