في تطور مفاجئ للأحداث داخل أروقة نادي الزمالك، كشف الإعلامي إبراهيم عبد الجواد، عن نية أحد أبرز نجوم الفريق الأول لكرة القدم وحارس عرينه محمد عواد، باتخاذ خطوة تصعيدية قد تقلب الموازين في علاقتة بالقلعة البيضاء.
وقال عبد الجواد، خلال تصريحات تليفزيونية، عبر قناة “أون سبورت”:” عواد بيدرس إنه يتقدم بشكوى بسبب استمرار استبعاده. عواد إنتوا عارفين المشكلة كانت حاصلة وخضع لتحقيق مع الشؤون القانونية والتزم بالغرامة التي وقعت عليه 800,000 جنيه، بس هو من ساعتها بيتمرن بعيد عن الفرقة وهو مش عارف إيه السبب، فبيدرس إن هو يتقدم بشكوى”.
وتابع: “عواد إنت واحد من نجوم الزمالك، واحد من اللعيبة اللي صنعت التاريخ مع الزمالك، وكان ليك رصيد كبير جداً في بطولات دخلت الزمالك منها بطولة دوري وأكثر من بطولة تانية إنت ساهمت فيها، وكان لك دور قوي جداً. زي ما بيقولوا كده ‘تِكّ’ على الصبر وحاول إن إنت تحل الأمور بشكل ودي”.
وأختتم:” عواد شخصية في منتهى الاحترام اللي في الدنيا، لعيب كبير ولاعيب محترم، ولديك رصيد في قلوب وعقول الزملكاوية. حاول على قد ما تقدر إن إنت تحاول تحل الأمور بشكل ودي، لأنه في الأول والآخر علاقتك بالزمالك كنادي وككيان عظيم مالهاش علاقة بخلافات ما بين أشخاص. الأشخاص زائلون سواء اللي بيديروا الكورة، سواء إنت، سواء اللعيبة، سواء مجلس الإدارة، سواء أي حد، ولكن يبقى النادي؛ فحافظ على علاقتك بالنادي عشان رصيدك جوه النادي ورصيدك مع الجماهير.”
شاهد:
