أكد الإعلامي إبراهيم عبد الجواد، أن محمود الخطيب، رئيس الأهلي، رفض قرار لجنة التخطيط بالتجديد لمصطفى شوبير، حارس مرمى الأحمر، خلال الفترة الحالية.
وقال عبد الجواد، خلال تصريحات تليفزيونية ببرنامج *ملعب أون”، عبر قناة “أون سبورت”:” نروح إلى جزئية أخرى خاصة بالتجديد لمصطفى شوبير، وهنا عندنا مستجد مهم جداً خاص بالكابتن محمود الخطيب”.
و أضاف:” طيب إيه علاقة الكابتن محمود الخطيب بالتجديد لشوبير؟ أقول لحضراتكم إيه التفصيلة اللي تدخل فيها الكابتن الخطيب النهاردة، لجنة التخطيط وكابتن وليد صلاح الدين كانوا أوصوا بأن يتم التجديد لمصطفى شوبير، عقده يخلص كمان سنة ونص، باعتباره ده حارس مرمى مصر القادم وحارس مرمى النادي الأهلي القادم وهكذا”.
وشدد عبد الجواد: “كابتن الخطيب أصدر قراراً بإيقاف المفاوضات في التوقيت الحالي. طب ليه؟ هل ده مثلاً عدم قناعة بمصطفى أو الأهلي مش عايز مصطفى؟ لا طبعاً، ده الأهلي يعني لو حد بس يقرب ناحية مصطفى شوبير بياكلوه، مصطفى شوبير ده حارس الأهلي القادم ما حدش يجي جنبه”.
و أكمل:” ولكن هو شايف إنه في ملفات لازم يتم الانتهاء منها وغلقها بشكل مستعجل دلوقتي قبل ما نروح نشوف مصطفى شوبير، وهما أحمد نبيل كوكا وحسين الشحات، نقفل الملفين دول، دي لعيبة هتخلص عقودهم آخر السنة دي، آخر الموسم الحالي”
وأختتم: “طب نخلص ده وبعد كده نيجي نشوف بعد كده إيه مصطفى شوبير، اللي ساعتها بقى نقعد نتكلم معاه وشوف أنت عايز إيه يا شوبير وهنخلص لك القصة مفيش أي مشكلة”.
