اكد كريم حسن شحاتة، مدير الكرة السابق بالبنك الأهلي،أن ما يفعله فريق الزمالك، من تصدر الدوري وتحقيق ثماني انتصارات متتالية يشبه المعجزة والسبب هؤلاء.
وقال كريم في تصريحات تليفزيونية ببرنامج “ملعب أون”،عبر قناة “أون سبورت”:” الزمالك على فين وايه اللي بيحصل ده؟ واللت الزمالك عامل معجزه يعني انا شايف ان الزمالك في الفتره دي تمان انتصارات ورا بعض كانت فتره صعبه جدا قبل بطوله امم افريقيا والفتره اللي هي قبل استئناف الدوري كانت الدنيا صعبه جدا “.
و أضاف:” عملت معاك حلقه في الراديو قلبت الدنيا وقلت ان الدوري اقرب الاهلي اقرب للحصول على الدوري، اه قلت كده، مازلت ده رايك؟، خلي بالك كابتن سيف المعطيات اللي موجوده في في الفرق اه يعني لما نيجي نرتب كده الفرق حسب قوتها وحسب استقرارها المالي والسكواد اللي موجود في كل فرقه انا ارتبها كده اهلي، بيراميدز، مصري، سيراميكا دول الخمس فرق يعني كحسب الاسكواد وحسب الفلوس انت عارف الكوره فلوس اقتصاد “.
وشدد شحاتة:” او كل نادي عنده لعيبه بقيمه تسويقيه كذا فلما يجي نركب او نرتب الفرق من حيث القوه والاستقرار المالي هيبقى الاهلي، بيراميدز، سيراميكا، مصري هم دول الخمس فرق لكن الزمالك اقل فرقه في الخمسه كمان ماليا وتعرض لمشاكل كبيره وايقاف قيد واصابات لعيبه كتير جدا”.
وواصل:” كان في فتره كابتن معتمد جمال ما كانش عنده لعيبه يلعب بيها فالزمالك اللي بيعمله ده معجزه انا شايف ان في اثنين شخصين في نادي الزمالك هم السبب في اللي الزمالك بيحصلوا دلوقتي ان هو بيكسب ثمان ماتشات بقى في فرقه، بقى في سكواد اتنين لعيبه ولا اتنين بره لا مدير فني كابتن، معتمد جمال والجهاز الفني مع كابتن ابراهيم صلاح، والاستاذ ممدوح عباس استاذ ممدوح عباس عامل زي صد كده مالي، حائط صد مالي لنادي الزمالك لفريق كره القدم”.
واردف شحاتة:’ هو نادي الزمالك ماديا الامور كويسه لا، بس استاذ ممدوح عباس بيساعد، في داعم الاستاذ ممدوح عباس انا مش عايز اقول لك الارقام، يعني قصدي ان ما زالت الازمات الماديه موجوده اللاعبين مش واصل لهم حاجه، في مكافات استاذ ممدوح عباس عاملها بعد ماتش حتى بيراميدز اللي فات اللي هو قبل ماتش الاتحاد السكندري حل مشاكل اللاعيبه الاجانب كان بيزيرا وبنتايك كل الحاجات دي حلها “.
و اشار:” وكان من فتره قريبه كنت في مكالمه شخصيه معاه قال لي يا كريم انا عايز اعمل كل حاجه بس الفرقه تقف على رجليها وكان هيدفع رقم كبير جدا واعتقد ان هو هيتدفع خلال الفتره القادمه حوالي من 150 ل 170 مليون جنيه مستحقات فريق كره القدم لغايه نهايه الموسم فالراجل هو يعني لو استاذ ممدوح عباس مش موجود لا كان هيبقى في مشكله كبيره “.
وزاد شحاتة:” كابتن معتمد كمان مش عايز انسى دوره معلش انا اسف كابتن معتمد عمل فريق نادي الزمالك ده من لا شيء يعني كان الزمالك بعد يانك فيريرا واحمد عبد الرؤوف كان الفرقه وحشه جدا
مشاكل كتير ما فيش قيد اصابات لعيبه يعني ما تعرفش ده بيلعب فين وده بيلعب فين فرقه يعني وحشه جدا في فتره قصيره جدا كابتن معتمد اشتغل كويس قوي بقى عندك فرقه دلوقتي احنا قاعدين بنتفرج لا الزمالك بيلعب كوره حلوه مش بيكسب بس وان فرقه تكسب ثمان ماتشات متتاليه “.
واستطرد:” ليه الزمالك ده ما بيكسبش غير تحت ضغط، وظروف صعبه ماشيين تطلع والفرقه تلعب ما هو دي الظروف اللي موجوده في نادي الزمالك طول عمرها اه وفي حقه وفي بقى شخص ثالث بس هو مش شخص هو جماهير نادي الزمالك طبعا دول مهما رقم مهما قلت يعني على دورهم واخلاصهم ووقفتهم ورا الفرقه في كل المواقف مش هديهم حقهم يعني شايف ان الثلاث عناصر دول مدرب كابتن معتمد جمال راجل بيقدر يساعد الزمالك ماليا كاستاذ ممدوح عباس وبحدد الاستاذ ممدوح عباس ان هو الراجل ده فعلا اللي ايه مش بيقعد يتكلم ويرغي وكلامه خلاص لا الراجل ده بتاع افعال بيساعد النادي وبيقف جنب النادي وبيحل مشاكله الماليه”.
و أكمل شحاتة:’جمهور نادي الزمالك طبعا رائع جدا انا حتى حسيت الموقف ده لما كنت ماسك مدير كوره في نادي البنك الاهلي لما بلعب ضد الزمالك وحتى الزمالك مش في افضل حالاته لا جمهور الزمالك مرعب مرعب مع فرقته مع نادي الزمالك مرعب الزمالك يقدر يكمل كده لحد فين خلي بالك كابتن سيف الماتشات اللي جايه صعبه جدا اه كل السبع فرق الاوائل هيلعبوا بعض فكل الماتشات هتبقى صعبه”.
و استأنف شحاتة:” الزمالك هيلاعب بيراميدز وهيلاعب المصري، الاول ماتش انبي اهم ماتش روح الزمالك الدور الثاني وهو فارق بثلاث نقط ما هو اعتقد يعني الزمالك بعد ما كسب ثمان ماتشات مش هيفرط في ماتش انبي الاخير رغم ان فرقه انبي فرقه كويسه جدا كابتن حمزه الجمل عامل فرقه كويسه جدا برده مجموعه من الشباب والناشئين انت عارف نادي انبي ما بقتش يشتري لاعيبه زي زمان فماتش صعب وعلى استاد المقاولين العرب مش برده من الملاعب الواسعه زي استاد القاهره”.
واختتم: “لكن اعتقد الزمالك مش هيفرط في الصداره بعد الثمان انتصارات ويفنش المرحله الاولى من الدوري بفوز على انبي ويبقى فارق لاث نقط عن بقيه الفرق”.
شاهد:
