مدحت شلبي يطالب بتدخل وزير الرياضة لضبط عقود لاعبي ومدربي الأهلي: “التفاوت المالي بيعمل شرخ نفسي”- فيديو
فجّر الإعلامي مدحت شلبي مفاجأة من العيار الثقيل، بمطالبته بضرورة وجود رقابة إدارية صارمة من وزارة الشباب والرياضة على عقود اللاعبين والمدربين داخل النادي الأهلي والأندية الكبرى، واصفاً الفوارق المادية الشاسعة بأنها “قنبلة موقوتة” داخل غرف الملابس.
وقال شلبي، خلال تصريحات تليفزيونية ببرنامج يامساء الأنوار، عبر قناة “mbc مصر 2”: “أثبتت التجربة بما لا يدع مجالاً للشك، إن التفاوت الكبير في عقود اللاعبين بيحدث شرخ عميق جداً داخل نفسية الإنسان، رضيت أو لم ترضَ”.
وتابع:” أوعى واحد يقول لي إن لاعب بياخد 50 مليون وواحد بياخد 10 مليون، هيخلي أبو 10 مليون ده يبقى مستريح!، كل ده كلام ‘جاي مع العفش’، وهيبقى داخل قلبه غضاضة، وهيخلق نوع من أنواع الأذى داخل النفسي”.
و أكمل شلبي: “وده درس أنا بتكلم فيه عشان نستفيد، ومش بعتب، أنا بتكلم على اللي جاي؛ التفاوت يحدث شرخ، واللي يقول غير كده يبقى غير صادق”.
وشدد:” علشان كده أنا بقترح إن عقود اللاعبين والمدربين تتراجع من الجهة الإدارية، لأننا شوفنا أرقام صعبة قوي، وبتكلم هنا على الأهلي، بقترح إن يكون فيه رقابة من الجهة الإدارية وتعتمد العقود، ماهو الأهلي والزمالك ‘نوادي دولة’.
وأشار: “إذا السيد جوهر نبيل (وزير الرياضة) مش هيقدر يعمل ده من غير قانون، يبقى لازم يتعمل قانون ويتعمل كنترول قوي، عشان مسمعش ‘عقود إذعان’ وإنك بتجيبني تحت رجلك وتفعصني! ومينفعش مدير فني متقدرش تمشيه”..
واختتم:” وأنا موافق السيد ياسين منصور لما قال: ‘مقدرش أمشي توروب المفروض عليا فرضه، لا بد من مراجعة العقود، سواء الشروط أو القيمة المالية، ومفيش حاجة اسمها مجلس الإدارة حر في قراره، لأننا شوفنا إنه في الآخر بيدفع مبالغ لأكتر من مدرب (شرط جزائي).”
شاهد:
