اوضح الإعلامي إبراهيم فايق، مصير يلسين كامويش لاعب الأهلي، وحقيقة عودة وسام أبو علي مرة أخرى للفريق الأحمر.
وقال فايق، في تصريحات تليفزيونية ببرنامج الكورة مع فايق، عبر قناة “mbc مصر 2″:” يمكن الكلام ده يبان مش منطقي، واتقال قبل كده إن إعارة كامويش ممكن تتقطع، لكن توروب طلب استمراره وقال إنه هيتعامل معاه بطريقته “.
وأكمل:” اسم وسام أبو علي ما اتطرحش، لكن إبراهيم عادل مطروح بقوة، والصفقة قريبة ومش بعيدة زي ما الناس فاكرة”.
وأشار فايق:” ممكن خلال أول أسبوع من أبريل تتحسم ملفات التعيينات والاسكاوتنج والتعاقدات بشكل كبير، المرحلة الجاية هي مرحلة ترتيب أوراق مهمة جدًا، وإعادة بناء فريق الكرة وقطاع الناشئين من جديد”.
وأختتم:” رسالة لجمهور الأهلي: هتسمعوا ناس تشكك في أقرب وأخلص الناس، ومنهم سيد عبد الحفيظ، لكن لازم تبقوا واعيين إن في ناس من مصلحتها تشوه الصورة، سيد عبد الحفيظ بيحظى بحب كبير جدًا من جمهور الأهلي، وفي تناغم واضح بينه وبين ياسين منصور، والاتنين بيشتغلوا بدون مصالح شخصية وبإنكار ذات”.
