علق محمد بركات نجم الكرة المصرية السابق، على تراجع نتائج نادي الأهلي مؤخرًا وخروجه من بطولة دوري أبطال إفريقيا، مؤكدًا أن الأداء الفردي للاعبين له تأثير كبير على النتائج.
وقال بركات خلال استضافته في برنامج “يا مساء الأنوار”، عبر فضائية” MBC مصر 2″: “النجم لو ملعبش وقادر في الملعب وعارف ان ده اكل عيشه و لازم يحافظ عليه، وانه بيلعب في نادي كبير، والجمهور اهم حاجه يكونوا مبسوطين، وبتلعب في نادي كبير وبيلعب على بطولات، لو مش حاطط ده في دماغك الكل هيتساوى”.
وتابع:” لما الاهلي عمل الفريق ده علشان كاس العالم للانديه عمل اداء جيد في ماتشين وبناء على كده قولنا عملنا شو كويس والفريق ده هيقدم اداء كويس هنا، ولما شوفناهم بعدها كل واحد فاكر انه نجم الفريق وعاوز ياخد الشو وغير اللي بنسمعه وده بيبص لده “.
وأكمل بركات:” واللعيبه مش بتطلع امكانياتها لادي امكانيات زيزو ولا بن شرقي، ووسام ابو علي لما مشي حصل ازمه، ومشي جراديشار علشان كامويش وفي لمسه بتبان مشوفناش منه حاجه”
وشدد:” انت من البدايه بتقول هنزل اكسب اي حد وعلشان تكسب لازم تأدي، الجمهور زعلان هل ده اعداد جمهور الاهلي اللي بتحضر المباريات؟، الناس زعلانه وبتساند ولما يشوفوا ان في دلع يببقي في وقفه”.
وأختتم:” خرجت من كاس مصر وكاس الرابطة وافريقيا وانت حاطط في دماغك تلعب كاس عالم، انت بتضيع فلوس غير انك الاهلي ومينفعش تقعد تتفرج على الانديه وهي في المربع الذهبي متكسبش بس ادي اللي عليك”.
