انتقد أحمد حسام ميدو أداء يوسف بلعمري لاعب الأهلي، خلال مواجهة أمام سيراميكا كليوباترا، مؤكدًا أن المغربي محمود بنتايج ظهير الزمالك أفضل منه.
وقال ميدو عبر برنامجه “أوضة اللبس”، مع احترامي الكبير ما تزعلوش مني يعني أنا بتفرج وبقيم، بلعمري كويس لكن زيه زي أي باك ليفت مصري معلش ريتمه بطيء، عادي جداً يعني ما فيش أي فرق بينه وما بين مثلاً حسين السيد بتاع المصري”.
وأردف: ” أهو حسين دلوقتي في سيراميكا، يعني ما فيش، بالعكس بل حسين السيد ممكن يكون أحسن منه دفاعياً وهجومياً. ما فيش، أنت النهاردة لما بتجيب باك ليفت بتدي له كل الفلوس دي أنت مطالب إن هو يكون عنده حلول”.
وشدد ميدو:” مش عايز أقارنه بعلي معلول عشان ما أظلموش، مش عايز أقارنه بعلي معلول عشان ما أظلموش، بس خلينا نقارنه ببنتايج”..
و أتم:” لا بنتايج عنده سرعات، برجله واسع، بيتصرف في الكورة صح، بيعدي بيعمل كروسات، بيشوط فاولات، بيلعب كور ثابتة، مش نفس مستوى علي معلول آه لكن باك ليفت تقدر إن أنت يكون مفتاح لعب بالنسبة لك.”
