في تصريحات حملت الكثير من التفاؤل لجماهير القلعة البيضاء، كشف الدكتور حسام المندوه، أمين صندوق نادي الزمالك، عن تطورات ملفات شائكة تشغل بال الشارع الرياضي الزملكاوي، بدءاً من حلم “أرض أكتوبر”.
وقال المندوة، خلال مداخلة هاتفية عبر برنامج” أوضة اللبس”، على قناة “النهار”:” انت كنت معانا يا ميدو واستقطعت من وقتك كتير علشان الزمالك، ومتشكر على كل وقفاتك مع النادي”.
و أضاف:” بالنسبة لأرض 6 أكتوبر، في الفترة اللي فاتت وقت أشرف صبحي ووزير الإسكان كان الاتجاه لأرض بديلة، وبعد التغيير الوزاري بدأنا نعمل دراسات علشان نشوف هل نكمل في الأرض القديمة ولا لأ، وكان في أمل إنها تكتمل”.
وشدد المندوة:” دلوقتي عندنا أكتر من قطعة أرض بنشوفها وبنقارن بينهم حسب الأفضلية، ومش بعيد عن الأرض القديمة، وبنحاول نوصل لصناع القرار إن الزمالك رغم الظروف الصعبة ماشي في طريقه وعايز يدخل بقوة في الاستثمار العقاري”.
و أكمل:” التصور الحالي أقرب لأرض بديلة، لكن لسه في بصيص أمل في الأرض القديمة، وإحنا في مرحلة دراسة ومشاورات بنشوف الأفضل، وهل ممكن كمان نخرج بره القاهرة”.
وأختتم: “حاسين إن في انفراجة قريبة في الملف ده، وبقى واضح للمسؤولين إن من غير أرض هيبقى في أزمة. وفي نفس الوقت بندور على أرض بديلة وهي الأقرب حالياً، وقعدنا مع الكابتن جوهر نبيل ووعد بالدعم، ونتوقع نفس الدعم من وزيرة الإسكان”.
