الدرندلي يحسم الجدل حول أزمة زيزو مع الزمالك.. وحقيقة التدخل في قرار لجنة شئون اللاعبين
في الجزء الأكثر سخونة من حواره، وضع خالد الدرندلي حداً للشائعات التي طالت اتحاد الكرة بشأن التدخل في القضايا المنظورة أمام لجنة شؤون اللاعبين، وعلى رأسها أزمة “أحمد سيد زيزو” لاعب الأهلي مع الزمالك.
واثناء تواجد الدرندلي ضيفا في برنامج “الناظر”، عبر قناة” النهار” قال له أحمد شوبير: “خليني أدخل في مناطق ساخنة شوية، مثلاً بنيجي نتكلم على لجنة شؤون اللاعبين، أنتوا جبتوا ناس أفاضل جداً طبعاً بنشكر السابقين والجوم الحقيقة ولهم خبرات كبيرة جداً، لكنه لسه ما زال هناك تأخير في القرارات. يعني قصة مثلاً زيزو، هل بتوجيه من اتحاد الكرة أجلوا شوية عشان المنتخب عنده ماتشات ولا لا؟ خدوا راحتكم أوي ولا لا؟ أدونا القرار بسرعة؟ قولي مدى تدخل الاتحاد؟”
ليرد الدرندلي: “خالص خالص، يعني دي بقولك الناس حتى إحنا ما عندناش القدرة إن إحنا نقوم اعملوا وسووا، دول ناس حتى لجنة شؤون اللاعبين اللي تابعة للاتحاد خالص، إحنا بنديهم دول ناس لهم قيمة وقامة فما ينفعش إن إحنا يعملوا يساووا أو يبقوا سياسيين أو اعمل كذا حاضر، لا لا، الناس على أعلى مستوى، وانتقائنا للناس بترشيح من وزارة العدل، وانتقاء حتى ده هنا بالنسبة للجنة الضباط، أنا بتكلم على شؤون لجنة شؤون العاملين، الناس يعني على مستوى.”
وعاد شوبير وسأله: “فأنتم سايبين القرار والاجتماع ليهم، لا تتدخلوا؟” ليجيب: “آه طبعاً، لا خالص خالص، يعني إحنا حتى لأن إحنا مش عايزين نحط شبهات، نعم ده تدخل لده وده تدخل لده ويبقى يقول لك الاتحاد بيعمل واتحاد خالص، فإحنا عشان كده متعمدين ما إحنا بعيد خالص ومديين كل واحدة، كل لجنة منهم حرية القرار.”
