علق حمزة الجمل، المدير الفني لنادي إنبي، على تعادل فريقه أمام الزمالك ، ضمن منافسات بطولة الدوري المصري الممتار “مرحلة التتويج باللقب”.
وقال الجمل، في المؤتمر الصحفي عقب المباراة:” بشكر اللاعبين بذلوا جهد كبير جدا إدارة النادي بتدعم الفريق فنيا ومعنويا ، وبشكر قطاع الناشئين على هولاء اللاعبين ولسه فيه مجموعة هتطلع الفترة القادمة”.
وتابع:’كنا بتلاعب الزمالك فريق كبير وبه خبرات ، فريق مش بيخسر بقاله كتير “.
وشدد الجمل:” احنا مش جايين عشان نحدد مين بطل الدوري او عشان نلعب لصالح حد،الولاد أدوا المطلوب منهم بشكل كويس وروحنا بكذا كرة”.
و أضاف: “مقدر ضغط الزمالك بسبب المنافسة على الدوري والكونفدرالية، حكم المباراة أدار اللقاء بشكل متميز”.
وواصل الجمل:” الجو النهاردة مكنش حر ، والأجواء كانت لطيفة، عن لعب المباراة في هذا التوقيت ؟وارد ان الرابطة تنظر في تغيير المواعيد ولكن النهاردة الأجواء كويسه”.
وأختتم:’احنا إنبي مش بنلعب لصالح حد ، احنا لينا أهداف زي ما وصلنا للسبعة الكبار ولدينا أهداف اخري لا يمكن الإعلان عنها”..
