خالد الدرندلي يفجر مفاجأة بشأن رخصة الزمالك الإفريقية: “هذا هو شرطنا الوحيد لمساندة الأبيض”
في تصريحات مدوية حسمت الكثير من الجدل المثار في الشارع الرياضي المصري، كشف الأستاذ خالد الدرندلي، نائب رئيس الاتحاد المصري لكرة القدم، عن كواليس تحركات الجبلاية لإنقاذ موقف نادي الزمالك من المشاركة الإفريقية وأزمة “رخصة الأندية” التي باتت تهدد الفارس الأبيض.
وقال الدرندلي، خلال تصريحات تليفزيونية ببرنامج الماظر، عبر قناة النهار، ردا على سؤال الإعلامي أحمد شوبير: “المشاكل الكتيرة اللي بتحصل للأندية زي الزمالك، زي الإسماعيلي، زي غيرها من إيقاف للقيد و هو طبعاً بتبقى قرارات ما تقدروش تعملوا فيها حاجة، لكن هل بتبدوا النصيحة حتى على الجانب القانوني؟ بتدوا النصيحة؟ بتساعدوا؟ بتحاولوا إن أنتم تصلحوا الأمور شوية؟”طبعاً إحنا بينا زي ما إحنا اتحاد الكورة، المنتخب، الأندية، نفسنا إن إحنا ناخد أكبر قدر من المشاركات واللعيبة والبطولات، فالنهاردة إيه مصلحتنا إن إحنا نتخاذل في إن ما نساعدش نادي إنه يتقيد؟ فإحنا بننصح من دلوقتي الزمالك كذا، فاضل كذا، لازم تعمل كذا.”
وعاد شوبير قائلا: “طيب حلو قوي، بالنسبة لفاضل كذا لأنه كلام دام كتير على الرخصة وإنه في ديد لاين بالنسبة لنادي الزمالك، الإسماعيلي مش مشارك، في ديد لاين بالنسبة لنادي الزمالك، هل بالفعل الزمالك خاطبكم إن أنتم تخاطبوا الكاف إن أنتم تأجلوا شوية لآخر يونيو موضوع الرخصة؟ ولا هل أنتم هتساعدوا الزمالك في هذا الأمر مادياً؟ لازم بس خلي بالك هتساعده مادياً ولا ده مش دورك على الإطلاق؟”
ليرد الدرندلي: “مهم أوي، إحنا اللائحة بتقول إيه، أيوه، إن إحنا ما نقدرش ندي الرخصة لنادي عنده أي مشاكل مالية أو مشاكل قضائية بينه وبين أي طرف تاني، سواء لعيب سواء نادي تاني، نعم واخد بالك، فأنت النهاردة اللي بتحصل إيه، بيسوي مشاكله مع لو في أندية بينه وبينهم قضايا بيجدول، لو في فلوس لو في مشاكل بتتحل، لو في لعيب له فلوس بتدفع أو لو في نادي جوه مصر له، المهم لازم يكون في صيغة جدولة كويس، طالما أنت جبت الجدولة دي وقدمتها وفيها الطرف التاني موافق، موافق يبقى أنت النهاردة الاتحاد الأفريقي مش طالب منك إنه يكون دفع كله، لا، في تسوية ديل”
وتابع:” الديل حصل بينك وبين النادي أو بينك وبين اللاعب بالظبط، التسوية دي اتعملت وأُقرت وجت لنا الاتحاد إحنا بنقدمها، هو ده اللي علينا.”
وشدد الدرندلي: “إنما واحد ما قدمش، هي دي بتبقى المشكلة، نعم. فدي حاجة خارج إرادة الاتحاد، يعني أنت خارج ما أقدرش إن أنا أروح أسوي للنادي، هو بيسوي حاجته بس أنا اللي بعمله إن أنا بنصحه وفي نفس الوقت إن أنا بحاول أساعده في إن أنا هات كذا ناقص كذا، هبعت أنا للاتحاد الأفريقي، هديك هات لي جدولة كذا، بنعمل الفايل، دي حصلت قبل كده مع نادي الزمالك برده نعم، فإحنا بالعكس إحنا يهمنا تعمل الفايل الصحيح.”
وتدخل شوبير مجددا: “بس برده أصل أنا باخد بالي من الكلام عشان الناس اللي قاعدة متربصة، مش حصلت إنك دفعت لنادي الزمالك فلوس، الصحيح نصحته وخليته بالشكل الصحيح.”
ليؤكد الدرندلي: “وإحنا يهمنا إن الزمالك، كلنا طبعاً، إحنا النهاردة إحنا لما كاتحاد كورة انسى بقى الانتماءات، إحنا بنقول اتحاد الكورة مصر مشاركة بفرقتين ولا بتلاتة ولا بأربعة، كل ما اشتركت كل ما إحنا لينا تواجد، كل ما لينا لعيبتنا بتحتك أكنك محترف بره، نعم لعيبتنا بتفيد المنتخب نعم. فأنت كاتحاد بتتشرف إن أنت نادي من عندك أو اتنين خدوا بطولة التشامبيونز ليج أو الكونفدرالية أو بتبقى يبقى دي حاجة بالنسبة لك كمصري، لجانب إن أنت كمصري بقى كمان غير اتحاد كورة نفسك تشوف أنديتك بتكسب.”
ووجه له شوبير سؤال جديد: “”إذاً أنت هنا بتساعد الزمالك بالنصيحة، بتوضح له الدنيا ماشية إزاي، لكنه أبداً لا يمكن ولو في أي إجراء لو في أي احتمال إن إحنا نأجل حاجة في فترة زمنية ونقدر نعملها تعملها؟”
ليشير الدرندلي: “لو نقدر نعم هنعملها، هتعملها لأي نادي نعم، وده أمر ما بالك بقى الزمالك اللي هو من أكبر الأندية اللي إحنا يهمنا يبقى موجود قبل أي نادي تاني.”
ويعود شوبير:” “ده بالتأكيد بس عشان تبقى القصة واضحة بالنسبة للناس لأن تردد كلام كتير في الشارع وأعتقد الأستاذ خالد درندلي وضح الأمر يعني بشدة وكده، أعتقد الزمالك بياخد النصيحة من الاتحاد المصري لكرة القدم. اتحاد الكورة لا يخالف اللوايح، بناؤكد على ما يقدرش يخالف اللوايح، وبيدعو الزمالك، بيدعو نادي الزمالك إلى الجدولة وسرعة الجدولة سواء مع اللاعبين أو مع.. يعني مش مهم يكون دفع كله مثلاً؟ في جدولة يقرها الكاف؟”
ليختتم الدرندلي: “بالظبط، أنت بتروح بتقول له في جدولة أهي، في تسوية أهي، خلاص طالما في.. ما بيشترطش إن أنت تكون دفعت كل حاجة أو عملت كل حاجة لا، بس أنت عملت وصلت لاتفاق، هناخد الاتفاق ده يعتبر إن هو منتهي.”
