خرج أيمن الشريعي، رئيس نادي إنبي كالمعتاد بتصريحات مثيرة للجدل قبل مواجهة فريقه للزمالك، ضمن منافسات بطولة الدوري المصري الممتار.
وقال الشريعي،خلال مداخلة هاتفية ببرنامج “ملعب أون”، عبر قناة “أون سبورت” ردا على سؤال: “قبل ماتش الزمالك في الدور الأول قولتلي مش عايز اصعد وقلبت مصر؟” لأ ده المرادي بقى أنا عامل مكأفات رهيبة جدًا وبالدولار كمان، كويس كدة؟”.
و أضاف:” زي ما قولت قبل كده، الموضوع مش محتاج تحفيز، انا لعيبتي بتنزل تستمع بكورتها وبموهبتها، والجمهور لازم يستمتع بالمواهب اللي عندي سواء في اي مباراة’.
وسأله الإعلامي سيف زاهر:” ايه اللي بتقوله للعيبتك قبل مباراة يوم الاثنين .. يعني قفلت على اللعيبه الأوضة وقولتلهم ايه ؟”
ليجيب الشريعي:” كل اللي بقوله للعيبه انزلوا اتمتعوا سواء قدام الزمالك أو الأهلي أو بيراميدز.. احنا عندنا لعيبة كتيرة صغيرة محتاجين يظهروا ويلعبوا أنا مش دوري اقفل أوضة اللبس على اللعيبه ده دور كابتن حمزة الجمل”.
وشدد:” أنا دوري احمي لعيبتي .. هما يعلموا اللي عليهم سواء كسبوا أو خسروا أو اي نتيجة وانا احمي اللعيبه”.
وتدخل سيف زاهر مجددا:” هل في صفقات أو كلام عن صفقات مع نادي الاهلي أو نادي الزمالك الفتره الجاية؟”.
ليرد الشريعي: “مفيش أي كلام من الحاجات دي خالص ولا حصل اي كلام عن صفقات بينا وبين الأهلي كل الكلام ده غير صحيح”.
واتم:”هل كلام عن اقطاي ؟” لا خالص مفيش اي تواصل حصل”.
ويستضيف الزمالك نظيره إنبي في الخامسة مساء يوم الاثنين المقبل على ستاد القاهرة الدولي، في إطار مباريات الجولة الرابعة للمرحلة النهائية لحسم لقب الدوري الممتاز.
ويحتل فريق الزمالك صدارة ترتيب جدول مسابقة الدوري الممتاز برصيد 49 نقطة، في حين يحتل فريق إنبي المركز الخامس برصيد 35 نقطة.
