وجه الإعلامي إبراهيم فايق،سؤال غريب بشأن محمود وفا، حكم مباراة الازمة بين الأهلي وسيراميكا بعد إيقاف محمد الشناوي حارس الأحمر لعد تعديه على حكم الراية.
وقال فايق، خلال تصريحات تليفزيونية ببرنامج “قهوة فايق’،عبر قناة “mbc مصر 2″:” ماذا عن الحكم؟ هو برضه اللعيب لما غلطت عاقبته طب ماذا الحكم؟ أنا أبقى لعيب في النادي الأهلي كابتن منتخب مصر اتزق في صدري ما ده سؤال برضه يا جماعة يعني إيه؟ طب اللي زق اتوقف أربع ماتشات طب هل أنت دلوقتي مسموح لك إنك تزق اللعيبة تضربها في صدرها أو تزقها في صدرها هل ده مسموح؟”.
و أضاف:” طب هل أنا مش هاخد عقوبة ضد الحكم؟ طب أنا لو أخدت عقوبة هذه العقوبة ستكون معلنة ولا غير معلنة؟ طب اللعيب وأنت أعلنت عقوبته طب والحكم وهتعمل معاه إيه؟ الزقة اللي في الفيديو دي إيه؟”.
وشدد فايق: “خد بالك الأهلي بالمناسبة معاه فيديوهات هيروح بيها دي نسيت أقولها لك ولأنها مهمة، معاه فيديوهات وحاجات لأحداث ووقائع في المباراة هيروح بيها برضه، فبرضه السؤال هل أنت كحكم غلطت هتتعاقب إزاي؟ ما أنا عاقبت اللعيب اللي غلط وعاقبت أي حد وعاقبت مدير الكورة وعقبته وعقبته وعاقبته طب أنت كحكم طب سيبك من اللي اتقال يعني سيبك من اللي اتقال”.
وواصل:” أصل قال الشحات كذا أصل قال ماعرفش كذا قال وقلنا وقال وقلنا فممكن أنت قاعد في البيت ما يا عم بقى يا عم وتس حصل وما حصلش وبتاع تمام، تعال أقول لك إنه تمام مش مقتنع قوي يعني لأن مؤمن إن الكلام اللي بيتقال أحياناً بيستفز الواحد بس برضه تمام بس أنا شايف وقعة زق، وقعة الزق اللي حصلت من الحكم تجاه لاعب إيه دي؟ إحنا بنقول للناس إيه يلا بينا نعمل كده كلنا دي واحدة من النقاط برضه اللي بشوفها مهمة”.
وأشار فايق: “المشهد كله على بعضه مشهد متداخل والحقيقة إنه بشوف إنه دايماً التحكيم والكورة والحاجات اللي شبه كده والآراء التحكيمية ليها وعليها بس أنا محتاج أشوف مسطرة، أنا بصراحة أنا ما بقولش رأيي في التحكيم نهائي أي تحكيم محلي ما بقولش رأيي بجيب كنت من تعال يا باشا هات الدنيا كلها طب ليه يا عم إبراهيم ما بتعملش كده؟”.
وزاد:” والله لقناعتي الشخصية كنت فيما مضى يمكن قبل حتى كمان يعني عشان بس مش مش فاكر قوي يعني الوقت إنه آه لما أجي أقول رأيي في حاجة محلية الناس تيجي تقول لك إيه ما أنت بتيجي تقول رأي تحكيمي تقول والله الكورة دي ضربة جزاء أنت بتبقى إيه شايف إن دي كورة ما فيهاش يعني كورة واضحة واضحة كورة واضحة جداً فما فيهاش مش مش لا تحمل الجدل ما فيهاش جدل ده دي ضربة جزاء فتقول رأيك في دي لأنها واضح”.
واستطرد: “فجه يعني فيجيلك كورة بعد كده مشتبكة 300 لعيب على الخط والمش عارف إيه طالع من هنا والكاميرا دي مخبية في القايم ورجلين اللعيب داخلة في بق اللعيب الثاني في دماغه في إيده وبتاعة مش عارف في واحد يقول لك الله مش تحلل الحالة التحكيمية؟ أنا أقول طب ما أنا جبت الناس بقى دي حالة دي دي محتاجة تخصص قوي ده حالة فيها تخصص قوي دي هنجيبها لك إزاي هعرفها لك أنا إزاي؟ فقلت بس طب وعلى إيه عشان ما حدش يقول لك والله أصل أنت هنا كنت محايد في ديت لا أنت أنت المفروض قلت في دي فتقول في دي”.
وأسترسل فايق:” للأسف مشكلة التحكيم في مصر ما زلت بقوله ما عندوش مسطرة واحدة، هذه المسطرة بتعمل حالة عند الجمهور حالة صعبة جداً جداً، حالة تشوفها تقول عليها ضربة جزاء حالة تانية تشوفها تقول المفروض إن دي ضربة جزاء شبه دي فما تلاقيهاش حالة بعديها تلاقي إن هي ديت مش ضربة جزاء فبتقول ما أنت مش فاكر الكورة دي هو مش هيحسبها فـ دي مش ضربة جزاء فيقول لك لا ده دي تقديرية للحكم، فالناس بتتلخبط وتبتدي يبقى عندك المشكلة اللي أنت عايش فيها ديت، كورة الناس شايفاها واضحة ضربة جزاء الناس تقول لك لا لا أنت ما فيهاش حاجة الناس تقول لك لا لا دي ماتحسبتش قبل كده ناس تقول لك لا لا اتحسبت قبل كده”.
وأختتم: “لو أنا عندي مسطرة ثابتة حتى لو المسطرة ديت يعني أنت تشوفها صعبة بس هي ثابتة، يعني لو شفت كل الكور اللي حصلت شبه كده في ماتش ما بتتحسبش تمام تمام ماتحسبتش قبل كده، لكن لما شاف مرة تتحسب ومرة ما تتحسبش ومرتين تتحسب ومرة ما تتحسبش وثلاث مرات تتعمل ومرتين ما تتعملش بتبقى غريبة شوية”.
