فجر شوبير مفاجأة بتأكيده أن الحكم الدولي أمين عمر وطاقمه (المرشح لكأس العالم) كانوا هم الخيار الأول لإدارة مباراة الأهلي أمام سيراميكا كليوباترا،ضمن منافسات الدوري والذي أدارها محمود وفا.
واضاف شوبير، خلال تصريحات تليفزيونية ببرنامج “الناظر”، عبر قناة “النهار”:” معلوماتي إن المباراة دي كانت رايحة أصلاً لأمين عمر، ولكنه أنا بديلك معلومات خلي بال حضرتك يعني، يعني كان هتطلع هتطلع أخبار في هذا الأمر، لكن والله أنا بقول لك معلومات صحيحة يعني. المباراة دي كانت رايحة لأمين عمر بس أمين عمر عشان هو سافر النهاردة الجزائر”.
وأردف: “وكان أمين عمر والطاقم ده بتاع بتاع كاس العالم على فكرة هو اللي هيدير المباراة كله، معاه أبو الرجال ومعاه أحمد حسام طه ومعاه عاشور على الفار، لكن أوسكار لما عرف إن هم رايحين نصف نهائي بطولة الكونفدرالية فقال لك لا أهيأ لهم الأجواء عشان يروحوا مرتاحين ويروح ذهنهم صافي”.
وواصل شوبير:” طب ما هو نفس الأمر يا مستر أوسكار كان يحصل مع كابتن محمود وفا، نفس القصة، أنا بقول لحضرتك بقول لك معلومات يعني من هنا، هو قال لك لا بلاش الطاقم ده واخد طاقم تاني يعني، وعمل حاجة غريبة جداً إنه يوسف البساطي الحكم الدولي القديم الحكم المساعد حطه مساعد ثاني، وحط محمد مجدي سليمان اللي هو أول سنة السنة دي حطه مساعد أول، كانت غريبة شوية”.
وقال: “وعاد محمود عاشور إلى الفار بعد فترة وكان عنده شدة كده من فترة برضه اختلاف في لعبة مع أوسكار، فبالمنطق اللي إنت عملت يعني ريحت فيه أمين عمر، أنا بقول لك هيطلع حالاً نفي يقول لك أمين عمر لم يكن مرشحاً لمباراة الأهلي وسيراميكا، وأنا بقول لك أمين عمر كان مرشحاً لإدارة مباراة الأهلي وسيراميكا، وفضلت اللجنة برئاسة أوسكار الذي لا يتدخل أحد معه على الإطلاق في تعيينات الحكام”.
واختتم:” فضلت إنه يوفروا له الأجواء وده شيء هايل عشان ربنا يوفره، أنتم عارفين المباريات اللي دايما أطرافها ما بين المغرب والجزائر فيها نوع من أنواع الحساسية، أتمنى أن تنتهي إحنا كلنا عالم عربي واحد والأمور إن شاء الله كلها جميلة يعني.
أدي بالنسبة للنقطة دي، النقطة التانية”.
