كشف الإعلامي أحمد شوبير، عن موقف اتحاد الكرة والأهلي، بعد الغاء جلسة استماع حديث الڤار في مباراة الأحمر امام سيراميكا في الدوري.
وقال شوبير،خلال تصريحات تليفزيونية ببرنامج الناظر،عبر قناة “النهار”:” زي ما توقعنا بالأمس، النهاردة كان يوم مثير.. أحداث هنا وأحداث هناك، وكلام هنا وكلام وشغلانة وحدوتة، وإحنا الحمد لله الحواديت عندنا كتير. زمان كان فيه مسرحية حلوة أوي لثلاثي أضواء المسرح اسمها حواديت أو كانت سكتشات، فإحنا الحواديت بتاعتنا بتاعة الكورة لا تنتهي”.
ونابع: “ونبقى ننام زي الفل وتمام التمام إحنا عندنا برضه مثل بلدي يقولك (تبات نار تصبح رماد)، إحنا عندنا (تبات نار تصبح نار أكتر). فلا أنت عارف الدنيا ماشية إزاي ولا أنت عارف القصة شكلها إيه ولا الحدوتة إيه عشان كدة النهاردة حلقتنا الحقيقة، لأن الكلام كله حوالين التحكيم وقصة التحكيم وأخطاء التحكيم. هو الأجنبي اللي يمشي ولا المصري اللي يمشي؟ هو مين اللي يدير الحدوتة؟”.
واضاف شوبير:” جت بقى القصة بتاعة الأهلي وسيراميكا، وكل حد بيدافع عن وجهة نظره. معظم الناس، مش كلهم لكن معظمهم، أجمعوا إن الأهلي كان ليه ضربة جزاء أمام سيراميكا. معظم الناس طبعاً في الوقت الحرج ده من الدوري العام أي خطأ محسوب، أي خطأ بيبقى فيه مشاكل، فحصلت مشكلة والنادي الأهلي بيبحث عن حقوقه، اتحاد الكورة على لسان اللجنة (لا إحنا ما حدش ليه حاجة عندنا وإحنا ما أخطأناش)، وبعدين الدنيا فجأة بدأت تتصاعد تتصاعد تتصاعد”.
وواصل: “من حق النادي الأهلي تماماً أن يبحث عن حقه، قصة محسومة وخلصانة بنسبة 1000%، حق النادي الأهلي تماماً أن يبحث عن حقه، ومن حق اتحاد الكورة أن يدافع عن نفسه، لكن مش من حق أي حد إنك تفسد لي وتفشل لي المنظومة الكروية في مصر، لأنه إحنا ما صدقنا إن الأمور عادت وإن الجماهير عادت وإن الدوري بينتهي بشكل جيد، وإن الإثارة موجودة في ذروتها سواء للأندية اللي بتنافس على اللقب أو الأندية اللي بتحاول إنها تهرب من الهبوط”.
وزاد:” فإحنا دخلنا في دوامة عجيبة جداً وغريبة جداً، ويبدو على رأي فهد بلان زمان كان بيقولك (أهل الهوى دائماً وأبداً مكتوب عليهم قلة الراحة)، إحنا أهل الكورة دائماً وأبداً مكتوب عليهم قلة الراحة، مثل السفينة بلا قبطان يلعب بها الموج رواحه غواحه زي ما أنت عايز بقى تقول”.
وأكمل شوبير: “فإحنا بنحاول بقدر الإمكان كل الأطراف المسؤولة إنها تخلي.. واحد عايز يخلي المركب كدة، وواحد عايز يخليها كدة، وعايز يخليها كدة، وواحد عايز يغرقها. مين بقى بعيد عن الحاجات دي كلها؟”.
واردف:” موقف الاهلي، 1-قالوا اللي حصل معنا غير مقبول، رفضوا واعترضوا على وفد الاهلي ومفيش في اللايحه كده ومن حقه الاستعانه بمن يراهم مناسبين”.
2-وجود خبير تحكيمي وخبير الأصوات وممثل اعلام هو أمر منطقي وطبيعي فالواقعة تحكيمية وهناك محادثة صوتية تحتاج لخبير اصوات وقصص لها طبيعة إعلامية ورأى عام”.
3– مجلس إدارة النادي الأهلي سيرد على ما حدث خلال اجتماع جاري تحديد موعده وسيخاطب مختلف الجهات للحصول على حقوقه”.
و أشار شوبير: “موقف اتحاد الكرة كالتالي:
1- اتحاد الكرة حدد من لهم صفة الحضور بقرار مجلس إدارة ولا يمكن أن يتم السماح بحضور أشخاص غير حاملي الكارنيهات المعتمدة من اتحاد الكرة وفق اللائحة التي يعرفها الأهلي جيدا يتعامل بها معنا من بداية الموسم
2- الحالة تخص واقعة حدثت في مباراة وليس لها علاقة بجانب تنظيمي أو اداري ولماذا لم نرى الكابتن وليد صلاح الدين مدير الكرة المعتمد لدينا كإداري والكابتن عادل مصطفي المعتمد لدينا كفني .. والخبير التحكيمي لقب وصفة لا تكتب في البطاقة الشخصية وكيف نستعين بحكم محسوب على نادي ولدينا لجنة مستقلة مسألة الخبير الصوتي فهى فيها إهانة وتوجيه اتهام الاتحاد الكرة وكأنه متلاعب
3 – سمحنا للأهلي بانعقاد الجلسة ولكنه المتسبب في الغائها بسبب عدم التزامه بالتعليمات التي يملك اتحاد الكرة حق إصدارها لأنه الجهة المنظمة والحاكمة خاصة وأن كل هذا في مقره كمنظمة عمل رسمية حكومية الاتحاد المصري لكرة القدم
4 – اتحاد الكرة سيرد على ما حدث من خلال اجتماع مجلس إدارة يوم الأربعاء خاصة وأن هناك وقائع حدثت تستوجب الرد عليها
5 – الخطابات التي يملكها الأهلي لا يوجد فيها نص واحد بأن اتحاد الكرة خاطب أي جهة لتعيين حكام أجانب لمباراة القمة الموسم الماضي وانما الخطابات تؤكد تعذر تعيين حكام بسبب ضيق الوقت فقط ورويز لك يكن على علم بالقصة لأنه لم يتم اختيار طاقم من الأساس لمعرفة رأيه
واختتم:” داخلين فيخناقه ودوشه وبتتصاعد بشكل غريب وهي القصه كلمتين وبس هنا حق وهنا مش حق واسفين لو غلطانين وليس عيب الاعتذار احنا نجيد فرد العضلات واساتذه في ذلك ونجيد اجهاض الحلول الاهلي عاوز يوصل لايه انه له ضربة جزاء والعقوبات اللي صدرت وكان في تجاوز من هنا وهنا”.
