حسم الكابتن إبراهيم حسن، مدير منتخب مصر، الجدل المثار حول تلقي الجهاز الفني عروضاً تدريبية مغرية من الخارج بعد الأداء الأسطوري للفراعنة في الفترة الأخيرة.
وقال حسن، خلال مداخلة هاتفية ببرنامج “ملعب أون”، عبر قناة “أون سبورت”ردا على سؤال” كابتن عندي معلومة إن بعض الشركات يعني هناك بعض العروض لبعض المنتخبات وكان في حديث مع بعض الجهاز الإداري مع حضرتك لتحديد ميعاد في إسبانيا وإن إنتوا قلتوا ما فيش حديث غير بعد كأس العالم”؟، أكيد طبعاً يعني إحنا مصر منتخب مصر أهو في الحاجة نمرة واحد بالنسبة لنا في كل حاجة يعني”.
و أضاف: تفاصيل إنك أنت عايز تفرح الشعب المصري بكل إحساس بكل حاجة، كل التفاصيل دي كلها أنا وحسام قدامنا إن أنت ما فيش حاجة قدامك تفكر فيها غير إن إحنا عايزين نعمل حاجة كويسة”.
وشدد حسن: ” السعادة إن رد فعل اللي إحنا سمعناه في الإعلام وفي الشارع والناس اللي كانت بتتفرج على الماتش دي سعادة كبيرة جداً أنا وحسام واللعيبة فكنا مبسوطين يعني أنت فاهم. فأكيد الحاجة اللي إحنا هدفنا إن إحنا إزاي نخدم منتخب مصر، إزاي تخدم منتخب بلدك، فدي أنا وحسام نمرة واحدة عندنا مصر وأنت عارف كويس أوي شخصيتنا من تربيتنا إن إحنا حتة مصر دي بالنسبة لنا، وجينا وسبنا الدنيا كلها ورجعنا قبل كدة وإحنا بنلعب عشان خاطر نرجع لمصر عشان إحنا حتة الحنين إنك أنت في بلدك دي والأولوية لو هي إيه يعني”.
وواصل:” أنا وحسام ما فيش حاجة ممكن تقارن او ممكن يبقى في اختيار ما بين منتخب مصر وحاجة تانية، منتخب مصر نمرة واحد لحد أما الناس هم يقولوا لنا إحنا شكراً إنما غير كدة إحنا موجودين ومتمسكين”.
و اشار: “وحتى الناس الحاجات اللي جت بيتكلموا عليها دي كلها لسه ما فتحناش فيها أي حاجة تفاصيل لأن إحنا خلاص الهدف بتاعك إن إزاي تركز الفترة الجاية إزاي تعمل إنجاز محترم الناس كلها مستنياه في كأس العالم إن شاء الله بإذن الله.
شاهد:
