كشف الإعلامي عمرو اديب، سبب مايقوم به الأهلي من تصعيد للأمور بسبب أزمة مباراة سيراميكا في الدوري.
وقال أديب، خلال تصريحات تليفزيونية ببرنامج “الحكاية “، عبر قناة” mbc مصر”: “من يومين حصل حدث جلل جلل، الدنيا مقلوبه مصر ولا على حامي ولا بارد، هذا امر جلل ويجب ان تتوقف الحياه ويجب ان نقف جميعا”.
و أضاف:” الكره ضربة جزاء ولا لا، وتتعمل جلسه استماع يوم الاحد ولازم نسمع صوت الحكم ماذا قال وماذا دار، والحكم اضرب عادي عادي والدنيا اتبهدلت عادي كل ده اتعمل ليه؟ علشان الاهلي موقن انه مش هياخد الدوري”.
و شدد أديب:”الأهلي عارفين انهم مش هياخدوا الدوري مش انا دفعت فلوس كتير في لعيبه وملعبناش كويس هو البنالتي ده يجب ان تتوقف الحياه وعقارب الساعه تعود للوراء ومحدش يضايق الاهلي انت اتجننت هو ايه العيب في ضربة جزاء متتحسبش في كل العالم بيحصل ده حصل ايه يعني؟ سيراميكا نفسه كان له ضربة جزاء متحسبتش”.
وأختتم:” وبعدين واحد قال اغرب حاجه ممكن تتقال، لا ايه ياعم الكادرات متاخدتش صح، لازم كاميرا ورا ايده ونزود كاميرات علشان نصور للاهلي، النادي العظيم الجبار علشان يطلعوا يقولوا كان ممكن ناخد الدوري بس ضاع بسبب ضربة جزاء، ايه ياجماعه ده جزء من اللعبه ايه الحكاية”.
شاهد:
