“قرار لا يُصدَّق”.. تفاصيل مثيرة تكشف كواليس لقطة الأهلي وسيراميكا والصباحي يُبرئ الحكم!
بتصريحات عبر صفحته الشخصية على موقع “فيس بوك” للحديث عن لقطة ركلة الجزاء المثيرة للجدل وتفاصيل ما دار بين حكم الساحة وحكم تقنية الفيديو.
وقال محمد الصباح في تصريحات عبر صفحته الشخصية بموقع “فيس بوك”: “لقطة مباراة سيراميكا والأهلي، هي لعبة الموسم وممكن تبقى لعبة مواسم تانية جاية كمان، وهي لقطة مطالبة بركلة جزاء للنادي الأهلي”.
وتابع: “شفنا في الوقت الضائع النادي الأهلي طالب ركلة جزاء، أنا عايز بس تركزوا معايا في اللي إحنا هنقوله عشان هي دي الخلاصة، إحنا هنقولكوا الخلاصة بتاعت اللقطة”.
وأضاف: “حكم الفار محمود عاشور أول زاوية جابها لحكم الملعب، كلنا قلنا الإيد مكبرة الجسم والكرة جت في الإيد، بصوا الزاوية من ورا الجول مبينة فعلاً إن الإيد مكبرة الجسم وإن الكرة فيها لمسة يد، فضل يعيد ليه في اللقطة أكتر من دقيقة، هي هي نفس اللقطة”.
وشدد: “واخدوا مننا ومترجعوش ورانا.. اللي إحنا هنقولكوا عليه ده اللي حصل بين الفار والملعب”.
وأشار: “حكم الملعب وفا طلب زاوية تانية، حكم الفار عاشور جاب له الريفيرس برضه مبينتلوش، حكم الملعب طلب الزاوية اللي هنورها لحضراتكو، هي دي دليل البراءة بتاعت الحكم، وهي دي اللي وضحت لنا اللعبة”.
وأردف: “طلب الزاوية اللي ورا المساعد، كاميرا التسلل، هي دي اللي بتبين، عشان كده بقول إن هي دي اللي هتبين الحقيقة، لأن دي الكاميرا الحقيقية اللي بتبين المسافة بين إيد اللاعب وجسمه، لو في مسافة كبيرة تبقى الإيد مكبرة الجسم واللقطة ركلة جزاء”.
وأوضح: “لكن اللي إحنا شفناه من الكاميرا دي إن الإيد في الوضع الطبيعي، لحد ما الكرة اتلعبت من رجل اللاعب ووصلت للإيد وصدمت فيها، الإيد كانت راجعة لورا، واللاعب بيحاول يتفادى الكرة، أول ما صدمت في إيده كان بيحاول يبعدها”.
وأكد: “دي اللقطة اللي الفار استند عليها إن الإيد مش مكبرة الجسم، وإنها راجعة لورا، وجاب له الزوايا اللي بنى عليها قراره، القرار في اللعبة كان استمرار اللعب، وتحية لمحمود وفا على قراره، قرار هيبقى بالنسبة له تاريخي، لأنه تعرض لضغوط كبيرة جداً جداً جداً”.
وواصل: “حكم الفار خبرة كبيرة طبعاً محمود عاشور، ممكن يكون اتخدع في الزوايا زي ما إحنا شفنا، لكنه حط حكم الملعب تحت ضغط كبير، كون الحكم يرجع ويطلب زوايا زي دي ويرجع بالقرار ده، وإحنا عارفين ضغط الأهلي والزمالك وضغط الجماهير، فده حكم فاهم في القانون ومخافش”.
واستمر: “كان ممكن يحسب ركلة الجزاء ومحدش ياخد باله، لكنه هو اللي طلب الزوايا اللي تثبت إن القرار استمرار اللعب صح لأنه شافها كويس”.
واختتم: “خلانا نطلع دلوقتي إن إحنا بندافع عن الحق وبندافع عن القانون من خلال المعيار، وبنقول إن الكرة دي استمرار اللعب هو القرار السليم، وتحية لمحمود وفا على قراره”.
