فتح الإعلامي مدحت شلبي،النار على الأهلي وسيد عبد الحفيظ،عضو مجلس إدارة الأحمر، بسبب أحداث مباراة سيراميكا كليوباترا في الدوري.
وقال شلبي،خلال تصريحات تليفزيونية ببرنامج “يا مساء الأنوار”، عبر قناة “mbc مصر 2″:” ما حدث بعد مباراة الأهلي وسيراميكا كليوباترا مهزله كرويه، أن بعد انتهاء المباراة، عضو مجلس إدارة نادي الأهلي سيد عبدالحفيظ نزل إلى أرض الملعب للاعتراض ولم تحدث في تاريخ الأهلي أن عضو مجلس ينزل ارض الملعب”.
وتابع: ” ماهو في مدير كره يقدر يتكلم، ثم يندفع عادل مصطفى يعمل سبرنت من الدكه في اتجاه الحكم، والله خوفت ثم يندفع الشناوي منظر لا يليق ابدا، خد بالك كرة القدم سلعه بتجيب فلوس مش عاوز اقيس بالسعوديه علشان محدش يقول ايوه ياعم”.
وأضاف شلبي:” النهارده نفس الكلام حصل في مباراة الأهلي والفيحاء في الدوري السعودي والحكم قال مفيش بعد الحكم ما صفر شوفوا يا جماعه حصل ايه، هل في حد اندفع ناحيه الحكم أو حاولوا الهجوم عليه؟ أو نزل الأمن يحميه، والأهلي في المناقسه مع الهلال والنصر”.
و أشار:” اللي حصل المدير الفني لاهلي جده راح للحكم لوحده في دايرة السنتر واتكلم معه ولاشوفنا اندفع، ولا عضو مجلس ادارة نزل من المقصوره، اذا المشهد لا يصح ومظهر يقلل ممن قيمة الدوري العام المصري، دي سلعة الدوري لما تفقد قيمته السلعه هتروح”.
و واصل شلبي: “الدنيا انقلبت وحقك وتاخده انا لو بعلق هقول ركله جزاء وده غلط ان اعلق على الحكام، لكن ده لا يلهينا عن مشاكل الاهلي، لما الاهلي عمل الصفقات قولت هيمشي سكينه في زبده مينفعش الاهلي يتاخر ويتعادل ويبكي على ضربة جزاء وده حصل لتفاوت المرتبات الفظيعه بين اللعيبه”.
و أردف:” واحد تاني زي زيزو حاسس اللعيبه بتبص له بسبب مرتبه، و فاقد هويته المميزه في الزمالك، وده بيوضح ليه زيزو مختلف في المنتخب عن الاهلي “.
و أكمل شلبي:” ييس توروب الذي لايملك الا الابتسامه وفتحة الايد والاستغراب، هذا الامر يتكرر 3 مرات في الاهلي عقود المدربين، ولا احد يسال لما يتكرر الامر انا مش جايب جوارديولا يفرض علي شروطه، اي تاريخ جايبه على اساسه’.
وزاد:” توروب جه بمعرفه الاهلي مش ده المدير الفني للاهلي على الاطلاق، معرفش السبب انه يجي ويتحط له هذا العقد مينفعش فريقه السابق خسر معه 25 مباراة”
وأختتم: “عاوز اقول في الاخر كامويش اللي جابه عبدالحفيظ ومكلف الاهلي ملايين شوفت ايه يا كابتن سيد فيه علشان تتعاقد معه، وتكون النتيجه استبعاده وقاعد في الفندق ياكل ويشوف ومتقدرش تمشيه وحاولوا يزقوه والماكينه مجبتش خيط، انا محموق ليه لان ده الاهلي وصاحب البطولات”.
