كشف هشام نصر، نائب رئيس الزمالك،عن مفاجأة سارة بشأن أرض النادي البديلة بعد سحب أرض أكتوبر.
وقال نصر، خلال مداخلة هاتفية ببرنامج الحكاية، عبر قناة “mbc مصر”،ردا على سؤال موضوع الأرض أخباره إيه؟ في أي تطورات؟:” شوف أنا هحط لحضرتك مبدأ بدأت بيه الأول، في إدارة الرياضة المصرية في الأندية مديول الاقتصاد فيها هو مديول عقاري وليس مديول رياضي”.
وتابع:” بمعنى إن الرياضة في مصر ما بتحققش مكسب، لأن حتى الآن معادلة الاستثمار وإنك تربح كشركة أو كمنظومة رياضية للأسف لسه ما وصلتش للمراحل الأوروبية في هذا الموضوع”
وشدد نصر:” فنرجع نقول أحد المصادر الأساسية المهمة اللي واضحة في الأندية اللي عندها أكثر من فرع اتنين وتلاتة وأربعة، هي دي الأندية اللي بيبقى عندها مدخلات تقدر تحقق بيها نجاحات رياضية، يعني من المدخلات العقارية هي دي اللي بتحقق نجاح في الرياضة”.
وواصل:” فطبعاً إحنا موضوع الأرض للأسف لحد دلوقتي تعتبر مسحوبة، في أطروحات كتيرة لأراضي مختلفة بصراحة، منها كتير مواقع أكثر تميزاً ده اللي أنا بحب أطمن بيه الجمهور إن الأراضي اللي بتطرح فيها في مواقع أفضل وأحسن حتى لو مش شوية بالفعل”.
وتدخل عمرو اديب قائلا:” يعني بالفعل مطروح علينا أرض أرض جديدة نقدر نستغلها ونشتغل عليها”، ليجيب نصر:” ده حقيقي وهم أكتر من أرض إحنا نطمح إن إحنا يبقى عندنا في كذا مكان كذا قطعة أرض وده اللي إحنا بنهدف ليه وبنسمو ليه، بنتكلم على أكتوبر بنتكلم على التجمع بنتكلم على أسيوط الجديدة، في أماكن كتيرة جداً بنطمح إن إحنا يبقى لينا فيها فروع كتير “.
وعاد عمرو أديب وقال أنا سمعت إنه في أرض في أكتوبر يا فندم، صحيح الكلام ده؟، ليرد نصر:” ده حقيقي ده حقيقي فعلاً، لازم هيبقى في بديل في أكتوبر إن شاء الله، بس على هيبقى بنفس المواصفات والامتيازات اللي حصل عليها نادي الزمالك في الأرض المسحوبة “.
وأكمل:” من ناحية المنطقة الاستثمارية من ناحية الارتفاعات من ناحية كل الاشتراطات عشان أعتقد الفكرة اللي إحنا كنا طلعنا بيها فكرة مديول ممكن تكون نهج لأندية كتير تقدر تخرج بيه من أزماتها المالية”.
و اردف نصر ردا على سؤال:” تحت ضوابط، وأجد هناك أرض عينكم عليها عارفينها بالتحديد وارد جداً إن هي تبقى دي أرض نادي الزمالك الجديدة؟ ده خبر صح؟:” إن شاء الله أه خبر صح إن شاء الله، وعلى مكان أميز وقريب من الأرض القديمة وربنا يسهل”.
ومن جانبه أكد عمرو أديب:” أنا فهمت إنه المهندس محمد مجاهد رئيس لجنة الشباب والرياضة بمجلس النواب يعني ساهم معانا في هذا الأمر وقدر إن هو يساعد إنه إن إحنا نبتدي نلقى هذه الأرض، ده أمر صحيح؟”.
وزاد نصر:” وبنشكره يعني من منصة حضرتك، لكن لا نغفل مساعدة وزارة الشباب والرياضة الكابتن جوهر نبيل واسمح لي أقول له الكابتن جوهر وزميل كرة يد يعني وطبعاً وزارة الإسكان بالوزارة الجديدة بتشكيلها الجديد وكل الجهات المعنية بالموضوع ده بتساعد نادي الزمالك علشان يرجع يقف على رجله إن شاء الله. نتمنى إن في القريب العاجل تصدر كل هذه القرارات”.
واختتم:” هل عندنا أرض يعني افرح يعني؟ نمضي بس الأول، بس يعني إن شاء الله إحنا في طريقنا للتوقيع وفي طريقنا إن إحنا ناخد الأرض دي إن شاء الله يا فندم إن شاء الله”.
شاهدhttps://youtu.be/pLyPymbHGjM?si=xrhB7HXdEhnBBFrZ
