كشف هشام نصر نائب رئيس نادي الزمالك،عن نقطة التحول في مشوار الفارس الأبيض،هذا الموسم،وجديد أزمة أرض أكتوبر وإيقاف القيد.
وقال نصر، خلال مداخلة هاتفية عبر برنامج “الكورة مع فايق” على قناة “ام بي سي مصر 2″:” عايز اشكر اللاعبين والجهاز الفني فرد فرد وعايز أحيي كابتن معتمد جمال والجهاز بتاعه قافلين على نفسهم كويس جدا مع جون إدوارد ومركزين مباراة بمباراة “.
و أردف:” ودي حاجه أهم إنهم بيركزوا مباراة بمباراة علشان منسرحش لبعيد عندنا مباراتين متتاليتين قدام شباب بلوزداد وهناخدها خطوة بخطوة لحد ما نوصل لطموح الجمهور، عايز اشكر الجمهور على مساندتهم الجبارة مع الفريق كل مباراة”.
وشدد نصر: “نقطة تحول الموسم ده هي الاصرار على استمرار تجربه الزمالك الجديدة بالاعتماد على المدير الرياضي، شغالين زي ما قولنا على كذا حل وهيظهر للنور الابلكيشن الجديد اللي الجماهير هتبقى داعمة فيه بجانب انتظارنا موافقات وزارة الشباب والرياضة على مشروع شارع جامعة الدول العربية وغيرها”.
وبشأن موضوع الأرض؟ أكد:” عايز اطمن الجمهور وربنا يعلم كم المجهود اللي بذل في ملف الأرض ده مع كل الجهات وكل الناس متكاتفه لحل الموضوع بإذن الله، زي ما قولت الأرض القديمة اللي اتسحبت خلاص .. وفي كذا مقترح لأراضي بديلة وربنا يكرم”.
وانهى:” شغالين على حل أزمة المستحقات المتأخرة للاعبين أولا ثم بعد كده هنشتغل على ملف القيد وكل حاجه بوقتها بإذن الله تعالى”.
