إبراهيم حسن يروي تفاصيل مثيره بشأن انتقال التوأم للزمالك.. “روحنا الابيض عند في الأهلي”

تحدث إبراهيم حسن مدير منتخب مصر الأول على تفاصيل الأزمة الشهيرة بسبب انتقاله هو وشقيقه حسام إلى صفوف الزمالك بعد الرحيل عن الأهلي.

وقال حسن في تصريحات تلفزيونية عبر قناة “أون سبورت”: ” حظي لعبت أول ماتش ضد الأهلي لوحدي حسام كان مصاب، فطبعاً يعني أنا كنت إيه ما حدش يستحمل الموقف موقف صعب جداً جداً، يعني أنا عارف لو حسام معايا في الملعب شوية كان يشيل نشيل مع بعض”.
​
واضاف: “في المؤتمر الصحفي ده كان موقف موقف صعب جداً يعني صعب جداً، وإحن رايحين خلاص هنمضي أو أول يوم عشان المؤتمر الصحفي، ساعتها كان المنطقة كلها بتاعة نادي الزمالك، الناس في جماهير من الأهلي عايزين مش مصدقين إن إحنا رحنا مش مصدقين إن إحنا نقلنا”.
​
واردف حسن: لا إحنا نفسيا بس كان في رهبة يعني كان بصراحة كان في خنقة إن إحنا إيه اللي بيحصل معانا ده ليه والزمالك، إحنا لما كان إحنا كنا رايحين تركيا وخلاص قلنا هنبعد وبتاع وسبنا الدنيا كلها وقلنا مش هنقعد في مصر عشان خلاص مش عايزين مش قادرين نستوعب الموقف إن إنت تلعب بعيد عن النادي الأهلي لنادي تاني أي نادي جوه مصر”.
​
وشدد:” فلقينا كلام مش كويس فجينا قلنا له نلف ولازم نرجع تاني دلوقتي على مصر، خدناها عند خلاص إن إنت بتغلط فينا وإحنا سايبينها لكم فجينا، كان كمال درويش طبعاً شاهد على التاريخ يعني، فرجعنا، جينا من الطيارة كان أحمد رمزي وكان دكتور كمال درويش كان استنانا في البيت عنده، رحنا قعدنا، ومتكلمناش في فلوس”.

و اشار حسن:” مش إحنا كل اللي عايزينه فيه تحدي، أنا عايز إنت الناس دي بتغلط فينا والناس دي مشيتنا بدون أي سبب وإحنا ولاد النادي الأهلي وإحنا كباتن النادي الأهلي على مر الكام سنة 25 سنة اللي كنا موجودين فيها فكانت مزعلانا قوي، فكنا واخدينها تحدي إن إنت هتشتغل بقى وكده ولا كده إنت بتلعب على بطولات وما بتحبش تخسر”.

وتابع: ” وإحنا رايحين المؤتمر، أنا استنيت على فكرة، و دي حاجة المفروض دي حاجة كويسة إن أنت عندك أصل وإن أنت بتحب المكان، استنينا حد من النادي الأهلي يجي يقولنا: لا ده النادي الأهلي مش هيفرط فيكم”.

وأشار:” فقاعدين نازلين من البيت مستنينا عشان نروح المؤتمر في نادي الزمالك، إحنا مش متخيلين مش مستوعبين لاخر لحظة استنينا نتعطل.. رُحنا راكبين ورُحنا المؤتمر. هي المواقف بقى اللي هي الصعبة يعني، وهم بيلبسونا، التيشيرت بتاع نادي الزمالك، أنت عارف يعني الموضوع مش سهل، أنت حاسس إن أنت بتعمل حاجة مش أنت.. يعني أنت متربي كده إنك أنت النادي الأهلي المنافس”.

و زاد حسن: حسينا يالناس بتحبنا وكسرت حتة معينة وخاصة يعني الموقف الصعب إن إحنا من غير تمرين هنلعب ماتشات رسمية، في موقف صعب جدا، ​الماتش الأولاني 2-1، أنا جون وحسام جون، ده من غير تدريب. الماتش التاني جول حسام كسبنا 1-0 وحسام جاب جول. عارف، اتكسرت بقى خلاص الإحساس بينك وبين جمهور الزمالك، يعني حسينا إن إحنا مش غُرب، حسينا إن إحنا هم فرحانين بينا وإحنا فرحانين”
.
واستكمل: “​جمهور الزمالك في التوقيت ده بالأمانة يعني، خاصة اللي مريحنا حاجة، إن كان في جماهير من جماهير النادي الأهلي كمان كانت بتحضر في الاستاد أو في الماتشات وحاسين إيه الموقف.. إحنا مش إحنا اللي مشينا، فحسينا بالراحة النفسية إن الناس حوالينا رغم إن ممكن في الماتشات مع أهلي وزمالك الجمهور بتاع جمهور الأهلي.. في ناس بتبقى مش فاهمة الموضوع خالص”.

وواصل:” ​هو اللي يزعلك لحد دلوقتي في ناس ربنا يديها الصحة لسه عايشة وفي ناس توفت، اللي لسه عايشين ما استغلش فرصة إن لسه ربنا مدي له ودي أمانة، لأن في ناس وفي أجيال وفي حق لينا، فالمفروض إن أنت وأنت لسه عايش ضميرك يصحى وتقول إحنا غلطنا في حق الناس دي، إحنا اللي قررنا إنهم يمشوا، إحنا اللي فرطنا فيهم”.

وردا على سؤال ​الوالدة كانت مرحبة إن حضراتكم تروحوا الزمالك؟ اجاب:” في الأول لا، لأن طول عمرنا أهلي، إنما لما شافت اللي حصلنا وحست بينا، أم فهي بناءً على إنها اتأثرت معاكم كده وشافتنا الحالة النفسية اللي كنا فيها عاملة إزاي، فكانت مرحبة وساعتها إحنا حتى قلبنا كان مرتاح إن هي كانت موافقة فعشان كده ربنا وفقنا ودعتلنا وقعدت تدعينا وموفقنا في المواجهة الجديدة مع نادي الزمالك”