كشف الإعلامي إبراهيم عبد الجواد، عن تفاصيل خطة النادي الأهلي لتطوير قطاع “السكاوتنج” ولجنة استكشاف المواهب، مؤكداً أن الإدارة الحمراء اتخذت قرارات صارمة لضمان نجاح هذه المنظومة.
وقال عبد الجواد، خلال تصريحات تليفزيونية ببرنامج “ملعب أون”، عبر قناة “أون سبورت””إحنا معانا أخبار مهمة جداً عن النادي الأهلي فيما يخص لجنة الكشافة أو السكاوتنج؛ اللجنة هتكون بقيادة الكابتن أنيس بوجلبان، بمعاونة الثنائي عمرو أنور وأحمد فوزي. وفيه ‘شجرة’ منظمة؛ بوجلبان تحته عمرو أنور، وتحته أحمد فوزي، وتحتهم 15 شاباً من الكفاءات اللي تم اختيارهم بعناية، عشان يقوموا بمهمة استكشاف المواهب وتحليل أدائهم على مستوى جميع محافظات مصر.”
وتابع: “تم الاتفاق معاهم إن ميبقاش فيه إعلان عن أسمائهم، وميشتغلوش في الإعلام خالص، عشان يشتغلوا بحرية ومن غير ما حد يحط عليهم أي ضغوط، وكمان عشان يفضل فيه سرية في شغلهم ومحدش يعرف هما بيراقبوا مين. بصراحة، دي خطوة جميلة من النادي الأهلي، وكأنهم بيعملوا ‘مدرسة موهوبين’ مصغرة جوه النادي.”
وواصل عبد الجواد:”الأهلي عنده تلات ملفات مهمة جداً وأولوية قصوى: كوكا، الشحات، ومصطفى شوبير. كوكا ليه الأولوية لأنه الاحتمال الأكبر انضمامه لمنتخب مصر في المعسكر القادم وماتش روسيا، فهيبقى فيه جلسة معاه بعد الماتش مباشرة لإنهاء عقده. بعده مباشرة الشحات، ثم مصطفى شوبير”.
وأختتم:”ورغم إن عقد شوبير لسه فاضل فيه سنة، لكن فيه تواصل معاه عشان نخلص القصة دي، لأن الموضوع منتهي إن شوبير هو مستقبل حراسة المرمى في الأهلي.”
