كشف محمد إسماعيل، لاعب الزمالك، كواليس اختياره الإنضمام للفارس الأبيض ورفض الأهلي، وسر زملكاويته.
وقال إسماعيل، خلال تصريحات تليفزيونية عبر قناة” اون سبورت ماكس”: ” انا زملكاوي من وأنا صغير.. من 2017، أولاً إسماعيلاوي ثم زملكاوي”.
وردا على سؤال: “اشمعنى بتشجع فيها الزمالك؟ إيه اللي حصل فيها؟ اجاب: “هو الظروف بتاعة النادي دايماً صعبة ففكرة إن أنا برضه أشوف النادي صعب وما فيش حد بيفرح في النادي ، جمهور الزمالك دايماً بيقفوا معاهم ودايماً بيشجعوا، ده حاجة عجبتني جداً، ده اللي خلاني شجعت الزمالك عشان جمهوره”.
و أضاف إسماعيل: ناس كتير بتشجع الزمالك بسبب الجمهور، إحنا كويسين آه بس إحنا مش أقوى تيم.”
وتدخل محمد المحمودي قائلا:” هناك قناعة بأن الجماهيرية بتولد من البطولات. لكن أنت واحد من جمهور الزمالك قبل ما تكون لعيب، ليه شجعت الفرقة لمجرد إن في جمهور كان واقف مع الفرقة دي دون إن يحصل بطولات؟”
ليرد إسماعيل: “بالظبط، آه دي الحاجة الوحيدة اللي عجبتني، وحبيت أكون واحد منهم بس يعني، نكون نفس الفكر ده.”..
وأجاب ردا على سؤال ليه الأول الأهلي عليّ الموضوع جداً ثم بدأ يهدى، ثم رحت على الزمالك؟ إيه المشهد اللي غيّر المعادلة؟”ما أعرفش، بس أنا أول حد كلمني كان الزمالك وبعدين الأهلي، والأهلي تقريباً دخل في مفاوضات قوية مع نادي زد س أنا ما أعرفش يعني اللي أنا كنت عارفه ما حدش كلمني من الأهلي كمان يعني، لا خالص هو اللي أنا كنت بسمعه إنه دايماً كان في مقارنة بيني وبين مدافع تاني بتحصل . ففجأة المدافع التاني ده هو اللي بيروح الأهلي، حصل الموضوع ده خمس مرات، في الآخر رحت الزمالك لما القيد اتفك في الزمالك رحت الزمالك”.
وواصل إسماعيل: ” كان قبل ما أروح الزمالك كنت جددت في نادي زد، واتفقت معاهم لو جالي الزمالك أمشي، كنت عايز الزمالك مش الأهلي، وحتى نادي زد ما فعلش العقد بتاعي ومشيت رحت الزمالك لما خلصت”.
واختتم: ” نادي زد نادي جميل جداً وبشكره طبعاً ساعدني كتير جداً في الموضوع ده أنا عايز أقول لك موقف، إن أنا مضيت العقد وخدت فلوس من غير ما يتفعل، وأدوني الفلوس ومشوني يعني في سنة بعدهافلا، هو نادي محترم جداً، نادي محترم وإدارة محترمة.”
