فتح محمد السيد، نجم نادي الزمالك، قلبه للحديث عن كواليس هامة مر بها الفريق الأبيض خلال الفترة الماضية، كاشفاً عن أسرار تتعلق بمواجهات الفريق في الدوري، وتفاصيل الأيام الصعبة عقب نهائي كأس الكونفدرالية.
وقال السيد،في تصريحات تليفزيونية عبر قناة “أون سبورت ماكس”:” إيه المباراة اللي سمعتوا فيها إن في مكافآت متحطّة للفريق المنافس وقولتوا هنكسب؟ سيراميكا كليوباترا.. أيوه، قولنا لبعض إيه؟إحنا عرفنا إن فيه تقريبًا رئيس النادي اجتمع باللاعبين وقال لهم لازم نكسب الزمالك، بس إحنا كنا واثقين إن إحنا هنكسب الماتش، وكان عندنا إصرار نكسب”.
وردا على سؤال” ليه كعب الزمالك عالي على بيراميدز وكسبه مرتين الموسم ده وخسر من الأهلي؟ اجاب:” أنا شايف إن الماتشات دي بتبقى تفاصيل صغيرة، ممكن فريق يستحوذ طول الماتش وإحنا نلعب هجمة مرتدة مظبوطة ونكون واقفين صح فنكسب. دي هي النقطة الأساسية”
وبشأن خسارة الكونفدرالية؟ أشار السيد:” ممكن زي ما قال محمد، اللعيبة كانت مُجهدة، وإحنا جايين من السفر وما أخدناش راحة، واتدربنا على طول، وضربات الجزاء في النهاية 50/50″.
وتابع:” لما جالك ضربة الجزاء في المباراة النهائية للكونفدرالية وكان لازم تشوط، كان إحساسك إيه؟ إحساس صعب، لأنك تبقى مضطر خلاص إنك تشوط”.
وأشار السيد ردا على سؤال:” عملتوا إيه بعد ضياع ركلة الجزاء وظروف محمد شحاتة؟ محمد شحاتة ربنا يرحم والده، أي حد يفقد والده طبيعي يتأثر، ومع ذلك هو لعب مباراة كويسة جدًا وكان من أحسن اللاعبين، وفي فترات كتير شال الفريق، وهو لاعب كبير”.
و أضاف مجيبا على سؤال: “قلتوا له إيه بعد المباراة بعد ضياع ركلة الجزاء؟ هو طبيعي، أي لاعب في العالم ممكن يضيع ركلات جزاء، مفيش مشكلة، المهم نركز على البطولة اللي جاية”
وأختتم:” جمهور الزمالك كان زعلان منك قبل التجديد وبعده ساندك؟ حقهم، وأنا ابن النادي وما ينفعش أتشطر عليهم، وأنا تحت أمرهم في أي حاجة، جمهور الزمالك من غيره ولا حاجة، دي أكتر سنة كنت موجود فيها مع الفريق واكتشفت ده، حتى لما نخسر أي مباراة كانوا في ضهرنا ويدونا دافع كبير”.
