دافع أسامة حسني، لاعب الأهلي السابق، عن ناديه بشأن دفعه مبالغ كبيره للمدربين خلال الفترة الحالية ورحيل بعضهم وسداد اموال كثيرة لهم.
وقال حسني، خلال تصريحات تليفزيونية عبر برنامج” اللعيب”، على قناة “ام بي سي مصر”:” راتب عموته؟ كل الأرقام المتداولة مش صح لان الأهلي لم يعلن راتبه أو قيمة العقد”.
و أكمل: “وعلشان الأهلي يختار مدرب لازم يكون في معايير، أبرزها يشتغل في المنطقة العربية وإفريقيا، ويكون قوي الشخصية”.
و أردف حسني:” الأهلي لما يجيب مدرب أو لاعب وبيتفق، بيكون عارف إمكانياته، ومفيش عليه أي قضية في فيفا ولا إيقاف قيد”.
وزاد:” فلوس الأهلي موجودة، عندك كام لاعب في كأس العالم، وبتكلم على الفترة دي الأهلي هيدخله 2.5 مليون دولار، وطالما إيراداتك هتغطي مصروفاتك خلاص”.
و أشار حسني:” برشلونة فعل بند الشراء بمليون ونصف يورو، غير مستحقات الأهلي من وجود لاعبيه في كأس العالم، هل علشان هلعب في الكونفدرالية أستخسر؟ أنت عارف جائزة الكونفدرالية بقت كام دلوقتي ومهمة إزاي “.
وتدخل الإعلامي مهيب عبد الهادي قائلا:” الله الله دلوقتي بقت الكونفدرالية حلوة صح؟”.
ليرد حسني: “بطولة مهمة طبعا والزمالك مش كان هيحل مشاكله لو فاز بالكونفدرالية؟ فهي بطولة كويسة”.
