كشف الإعلامي مهيب عبد الهادي،تفاصيل عرض الأهلي لتجديد عقد حسين الشحات،لاعب الأحمر، وموقف اللاعب من الارقام المقترحه.
وقال عبد الهادي، خلال تصريحات تليفزيونية ببرنامج “اللعيب”، عبر قناة “mbc مصر”:” مفيش اي جديد في ملف تجديد عقد حسين الشحات خالص ”
و اشار: “قعدوا معاه قالوله هما 20 مليون و8 بونص، قعدوا معاه ثاني قالوله 20 مليون و8 بونص، قعدوا معاه ثالث قالوله نفس الكلام 20 مليون و8 بونص، مفيش 2 مليون زيادة حتى”
وتابع عبد الهادي:” طيب ليه يا جماعة الكلام ده بيحصل مع حسين الشحات، الرد أننا بننزل بسقف الرواتب، يعني مصطفى شوبير هيجدد 20 مليون و8 بونص وكوكا نفس الكلام”.
وشدد:” يعني حسين الشحات هيبقى زيهم، يعني هي جت على حسين الشحات وبقى في سقف رواتب دلوقتي، اللاعب يقولك ليه قفلتها عليا أنا، يقولك ماشي في سقف رواتب بس خليني أنا إستثناء”.
وأتم:” كمان إحنا كنا اول ناس هنا معاكم قولنا الأهلي هيجيب مدرب مغربي وهو حسين عموته والأهلي خلاص خلص فيه وبقولكم المهاجم اللي جاي الأهلي مغربي كمان، المدرب هياخد بالجهاز الفني 225 ألف يورو ومعاه 4 مساعدين مغاربة، مفيش شوقي مفيش احمد فتحي مفيش سامي قمصان مفيش سيد معوض “.
