بين “سوشيال ميديا” والخصوصية.. مدحت العدل يوضح حقيقة هجومه على حسام حسن بعد واقعة التسريب
في أول رد فعل له بعد حالة الجدل الواسعة التي أحدثتها تصريحاته المسربة عبر منصات التواصل الاجتماعي، خرج الكاتب والسيناريست الدكتور مدحت العدل في مداخلة هاتفية ببرنامج “من ماسبيرو” على القناة الأولى، ليكشف كواليس ما حدث، مؤكداً استغرابه من تحويل “دردشة خاصة” بين أصدقاء إلى قضية رأي عام.
وقال العدل عبر برنامج” من ماسبيرو”، على” القناة الأولى “:”أنا دخلت انام نص ساعه صحيت لقيت الدنيا مقلوبة، أنا بتكلم مع أصدقائي في بروفايل شخصي ومفروض أنه مقفول يعني وبنرد على بعض في أمور كثيرة في كرة القدم.. هو حتى كرة القدم مش هنعرف نتكلم فيها بينا وبين بعض كأصدقاء”.
وتابع:” أنا بحترم حسام حسن وقولت قبل كده عليه أنه من أعظم المهاجمين اللي جم في تاريخ مصر .. وعلى فكرة أنا اللي جبته يدرب نادي الزمالك وهو عارف كده”.
و أضاف العدل: “أنا بتكلم مع أصدقائي وبندردش مع بعض في ردود..هو ينفع اثنين قاعدين بيتكلموا في القهوة حد يسجلهم ويبعتها لحد يقول شوف بيقول ايه عليك .. ميصحش، أنا بحترم تاريخ حسام حسن وبحترم تجربته، ولكن طبيعي أننا نقول بعض الملاحظات وده طبيعي في كرة القدم”.
و شدد:” احنا قبل كده قلنا ملاحظات علي الكابتن الجوهري نفسه في كأس العالم بعد شكرناه في مباراة هولندا ولما جت مباراة ايرلندا اللي عدلوا القانون بسببها هجمناه .. بس مكنش ليها وقتها سوشيال ميديا وده الكابتن جوهري يعني أعظم مدربي تاريخ مصر”.
وواصل: “أنا ممكن اكون كتبت تعليق فيه كلمه متنفعش بس هي حاجه بتكتب على سبيل المثال وفي إطار دردشه خاصه اوي ولكن لما الموضوع انتشر بالشكل ده زعلت لانه ده شخص غير امين خد تعليق في دردشه خاصه بين أصدقاء ونشرها .. ده مش بوست أنا كاتبه”.
و أشار العدل:” وعلشان حسام حسن وعائلته كتبت توضيح أقول فيه أن لدي جرأة الاعتذار لو الأمور زعلتهم لاني امتلك شجاعة الاعتذار، وكرة القدم فيها دائما انفعالات في أوقات كتيرة وبيتقال حاجات أكثر من كده “.
و أردف:” كابتن حسام حسن نفسه في مباراة ايران كنا بنضحك على مشهده مع إمام عاشور واي حد بيكون في انفعال وقت المباريات ممكن يقول حاجات كتيره.. لكن ده كلام خاص ومش للعام “.
وأختتم:” لما أقول بلاش مبالغه لان لازم تحط الانجاز في حجمه الطبيعي علشان منبقاش فاهمين احنا فين.. هل منتخب مصر ميقدرش يكسب نيوزيلندا؟ مصر مصنف 26 على العالم ونيوزيلندا 85 فطبيعي تكسبه .. لكن ده لا يمنع أننا عاملين روح وشعور طيب للجماهير لازم يستمر وأتمنى التوفيق للمنتخب قدام أستراليا وبإذن الله نكسب”.
